Lumwekesho 22:6 - KNTP

⁶ Kabiji aye malaika wang'ambijile amba, “Bino byambo byo bya kishinka ne bya kine. Ne aye Nkambo, Lesa upana Mupashi wanji ku bangauzhi, watuma malaika wanji mu kwibabuula bakalume banji bintu bisaka kumweka palutwe kacheche.”

Lumwekesho 22:6 Iomraidhean Croise

Mateo 13:41

Mwana Muntu ukatuma bamalaika banji, bakebipwizha pamo bintu byonse bya mu bufumu bwanji bya kwituntulako, ne bonse boba byatama,

Luka 1:70

Byonka byo a ambile pa kanwa ka bangauzhi banji bazhila kufuma kukala.

Luka 16:16

“Mizhilo ne bangauzhi bajingako kufika ne kimye kya kwa Yoano, kufuma ku kyo kyo kimye Mambo Awama a bufumu bwa Lesa abena kusapwilwa, ne bonse babena kutwela monka na mukoyo.

Byubilo 12:11

Kabiji Petelo pa kulubuluka muchima, wa ambile amba, “Pano nayuka kine, namba Nkambo waji kutuma malaika wanji kwiya na kumpokolola mu kuboko kwa Heloda, ne monse mo baketekela Bayudea.”

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

Loma 1:2

Mambo Awama o alayile aye Lesa kala mu bangauzhi banji, mu binembelo byazhila.

1 Kolinda 14:32

Mipashi ya bangauzhi ikookela bangauzhi ba Lesa.

1 Kolinda 7:29

Balongo bami, naamba kino namba, kimye kyakepa kala, amba kufuma ku kino kimye aba baji na bakazhi bekale nobe bafwabo;

2 Tesalonika 1:7

ne kwimupa anweba mumona bya malwa kya kukokoloka pamo ne atweba, pa lumwekesho lwa Nkambo Yesu byo akafuma mwiulu na bamalaika ba bulume bwanji

Bahebelu 12:9

Na mambo a kino, atweba twajinga na bashetu ba pano pantanda betufunjilenga, kabiji twibanemekelenga. Twafwainwa kukila kumunekenena Taata wa mipashi yetu ne kumona bumi!

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.

2 Petelo 3:2

Namba muvulukenga byambo byaambilwe kala ku bangauzhi bazhila, ne mukambizho wa Nkambo Mupulushi kupichila mu batumwa benu.

Lumwekesho 1:1

Lumwekesho lwa Yesu Kilishitu, lwamupele Lesa amba, akebabuule bakalume banji, bintu bikamweka palutwe kacheche. Kabiji watumine malaika wanji na kumubuula kalume wanji Yoano.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 19:9

Kabiji aye malaika wang'ambijile amba, “Nemba amba, batokwa aba baitwa ku kijiilo kya masongola a Mwana Mukooko.” Kabiji wang'ambijile amba, “Bino byo byambo bya kine bya Lesa.”

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”

Lumwekesho 21:9

Kabiji kwaishile umo wa mu boba bamalaika batanu na babiji bajinga na michiba itanu na ibiji, basendele yoya myalo itanu na ibiji yapeleleko, ne aye wang'ambijile amba, “Iya kuno, nkumweshe musongwa, muka Mwana Mukooko.”

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 22:16

“Amiwa Yesu, natuma malaika wami akemubuule bino bintu mu bipwilo. Amiwa ne muzhazhi wa Davida kabiji ne wa mu kisaka kyanji, kabiji ne ntaanda wa kumakya watokesha.”

Lumwekesho 22:7

“Kabiji umvwa! Abo ngiya bukiji! Watokwa awa ulama byambo bya mu ye uno buku wa bungauzhi!”

Lumwekesho 4:1

Pakupita bibye, namwene kibelo kyashinkuka mwiulu, kabiji ne jiwi jitanshi jo naumvwine, jaubile nobe ja ntolompita, kasa jing'ambila amba, “Kanjila kuno, nkubuule bintu bikamweka kulutwe.”