Lumwekesho 22:3 - KNTP

³ Kabiji mafingo kechi akekalako jibiji ne. Ne jitanda ja Lesa ne ja Mwana Mukooko jikekala monka, ne bakalume banji bakamwingijilanga.

Lumwekesho 22:3 Iomraidhean Croise

Mateo 25:21

Kumvwa nkambo yanji wamwambijile amba, ‘Wauba bulongo obewa kalume wawama ne wakishinka, mambo waikala wakishinka pa tucheche, nkakupa bukalama bwa pa byavula, twela mu lusekelo lwa nkambo yobe.’

Mateo 25:41

Ponkapo ukebambila abo ba ku kipiko kyanji amba, ‘Fumaiko kwi amiwa, anweba mwafingwa, yainga mu mujilo wa myaka ye banengezhezha Diabola ne bamalaika banji!

Yoano 12:26

Umvwe muntu usaka kung'ingijila amiwa, andondelenga, ne konji amiwa, wamwingilo wami ukekala konka. Ne bataata ba ka munemeka awa ung'ingijila amiwa.

Yoano 13:32

Umvwe Lesa watumbijikilwa mwi aye, Lesa naye uka mutumbijika mwi aye mwine, uka mutumbijika ponkapotu.

Yoano 14:3

Kabiji inge naya na kwimunengezhezha mpunzha, nkabwela jibiji, ne kwimutwala kwami amiwa mwine, namba akwa konji amiwa, ne anweba mukekale konka.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Lumwekesho 7:10

Kabiji babijikile na jiwi jikatampe, amba, “Lupulukilo lufuma kwi Lesa wetu waikala pa jitanda, ne kwi Mwana Mukooko!”

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.