Lumwekesho 22:2 - KNTP

² ne kupita mukachi ka mukwakwa wa mu muzhi. Ku bushiya ne bushiya bwa mukola kwajinga kichi kya bumi, kipanga bipangwa bya misango jikumi na ibiji, kasa kipanga pa ng'ondo, pa ng'ondo, ne mabuula akyo oa kubuka mikoka ya bantu.

Lumwekesho 22:2 Iomraidhean Croise

Luka 4:18

“Mupashi wa Nkambo uji pe amiwa, mambo wanshinga manyi amba usapwile Mambo Awama ku balanda. Wantuma kusapwila mambo a bupokolweshi ku bakaswa, ne kutambula meso bampofu, Ne kwibakasulula bamanyikwa,

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 21:21

Kabiji abya bibelo jikumi na bibiji byajinga bamangalite jikumi na babiji, bibelo byonse byalengelwe na mangalite umo umo. Mukwakwa wa mu muzhi wajinga na ngolode yawamisha nobe kilola.

Lumwekesho 21:24

Ne mikoka ya bantu ikendanga mu kyeya kyanji, ne bamfumu ba pano pantanda bakaleeta lukumo lwabo monka.

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 22:14

Batokwa bovwa bivwalo byabo, amba bekale na luusa lwa pa kuja ku kichi kya bumi, ne kutwela mu bibelo bya mu muzhi.

Lumwekesho 22:19

Kabiji umvwe muntu waangatako ku byambo bya buku wa bungauzhi buno, Lesa naye ukamwangata kyanji kya ku kichi kya bumi, ne kya mu muzhi wazhila, byanembwa mu ye uno buku.