Lumwekesho 22:10 - KNTP

¹⁰ Kabiji wang'ambijile amba, kechi ushinke na kateetesho byambo bya bungauzhi bwa mu ye uno buku ne, mambo kimye kya kumpelo ke kiji pepi.

Lumwekesho 22:10 Iomraidhean Croise

Mateo 10:27

Kyonemubula mu mfishi mwikyambe pa mute; kabiji kyo mumvwa mu kutwi, mwikitayile mbila pa mutenge.

Loma 13:11

Kabiji kikwabo, mwayuka kimye byo kyafika kala kya kubuuka mutulo. Mambo lupulukilo lwetu luji pepi kechi luji kwaleepa pamo na byotwaitabijile ne.

Loma 13:12

Bufuku bwapita kala; ke buye na kukya. Nanchi tuvuule mingilo ya mu mfishi ne kuvwala bya nkondo bya mute.

2 Tesalonika 2:3

Kechi muleke nangwa umo emujimbaike nangwa pachechetu ne. Mambo aja juba kechi jikafike ne, poso patanshi akwa kupondoka ku lwitabilo kukafike, ne muntu wa bumpupabizhila akamweke, yenkaye mwana wa lonaiko.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 1:3

Watokwa awa utanga, ne aba bomvwa byambo bya mu uno buku wa bungauzhi, ne kwibikookela abya byanembwamo! Mambo kimye kyafwenya ke pepi.

Lumwekesho 10:4

Kabiji byo byaluluminenga abya bilulumo bitanu na bibiji, nasakile kunemba. Ponkapo naumvwine jiwi jafumine mwiulu amba, “Shiinka na kateetesho abya bintu byo waumvwa byaamba bilulumo bitanu na bibiji, kabiji kechi wibinembe ne!”

Lumwekesho 22:16

“Amiwa Yesu, natuma malaika wami akemubuule bino bintu mu bipwilo. Amiwa ne muzhazhi wa Davida kabiji ne wa mu kisaka kyanji, kabiji ne ntaanda wa kumakya watokesha.”

Lumwekesho 22:18

Amiwa Yoano nebabujisha bantu bonse bomvwa byambo bya bungauzhi bwa mu ye uno buku namba, umvwe muntu wabikapo ku bino byambo, aye Lesa naye ukamubikilapo myalo yanembwa mu ye uno buku.

Lumwekesho 22:20

Aye ushimuna bino bintu wa amba amba, “Ee Kine! Abo ngiya bukiji!” Amena. Iyai Nkambo Yesu!

Lumwekesho 22:7

“Kabiji umvwa! Abo ngiya bukiji! Watokwa awa ulama byambo bya mu ye uno buku wa bungauzhi!”

Lumwekesho 22:9

Bino aye wang'ambijile amba, “Kileke! Amiwa ne mukwenu wa mu mwingilo umo pamo ne bakwenu bangauzhi, ne boba balama byambo bya mu ye uno buku. Popwela Lesa!”

Lumwekesho 5:1

Kabiji namwene buku mu kuboko kwa kilujo kwa yewa waikala pa jitanda, wanembwa mukachi ne pangye, ye bashinkisha na tuteetesho tutanu na tubiji.