Lumwekesho 21:8 - KNTP

⁸ Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”

Lumwekesho 21:8 Iomraidhean Croise

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Mateo 25:25

Kabiji naubile moyo, kepo nakafiile lutalenta wenu panshi, talai lutalenta wenu we.’”

Mateo 8:26

Kumvwa aye amba, “Mwaubilaka moyo? Anweba ba kalwitabilo kacheche.” Ponkapo waimene, ne kukanya lubesha ne mema; ponkapotu paubile ne nzo!

Mako 9:44

Amo mizambo ibaja kechi ifwa ne kabiji mujilo kechi uzhima ne.

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

2 Tesalonika 2:9

Kabiji kwiya kwanji awa mpupabizhila kukayila monka mu kwingila kwa Satana na bulume bonse, ne na biyukilo ne bya kukumya bya bubela,

1 Timoti 4:2

Monka mu bukamfutumfutu bwa bantu ba bubela, baji na michima yanembwa kayukilo na kyela kyakaba na mujilo.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Bahebelu 12:24

Ne kwi Yesu, ng'ambi wa lulayang'ano lupya, ne ku mashi a kusansa a amba bulongo kukila a kwa Abela.

Bahebelu 13:4

Masongola ekale a mushingi ku bonse, ne baji mu masongola bekale bakishinka mu masongola abo. Mambo Lesa ukebazhachisha ba bulalelale ne bankende.

1 Yoano 2:22

Nanchi wa bubela ye ng'anyi? Kana bonkaba bakana amba Yesu kechi ye Kilishitu ne. Bano bo ba anti kilishitu, bonkaba bakana Taata ne Mwana.

1 Yoano 3:15

Awa washikwa mulongo wanji ye mbanzhi, kabiji mwayuka amba kafwako mbanzhi uji na bumi bwa myaka bwaikala mwi aye ne.

1 Yoano 5:10

Awa wamwitabila Mwana Lesa uji na bukamonyi mwi aye mwine; aye wabula kwitabila Lesa, ye wamwalula ke wa bubela; mambo a kubula kwitaba kushimuna kwa Lesa ko a mushimuna Mwananji.

Lumwekesho 14:10

aye naye ukatoma ku binyu bya bukaji bwa Lesa, byo baitulwila jimo byo babula kuvwangakanya na bikwabo mu katomeno ka bukaji bwanji! Ne aye ukamanyikwa na mujilo ne kibiliki ku meso a bamalaika bazhila, ne ku meso a Mwana Mukooko.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:2

nayuka mingilo yobe, ne mwingilo wobe wakosa ne butekanye bobe, ne byo wabula kwibaswa babi, kabiji byo wibesekele abo beteela amba, twi batumwa, bino kechi bo batumwa ne, kabiji wibamwene amba ba bubela.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.

Lumwekesho 9:17

Kabiji bino byobyo namwene bambili mu kimwesho, ne abo baikajilepo, kasa baji na bilama kyaji bichila nobe mujilo, ne kifufya nobe jiulu, ne kibobo nobe safila. Ne mitwe ya bambili yamwekele nobe mitwe ya mabokwe, kabiji mutunwa twabo mulupuka mujilo ne bwishi ne kibiliki.

Lumwekesho 9:21

Nangwa kulapila ku kwipayang'ana kwabo, nangwa ku bya bung'anga bwabo bwa lubuko, nangwa ku bulalelale bwabo, nangwa ku bwivi bwabo ne.