Lumwekesho 21:3 - KNTP

³ Ponkapo naumvwine jiwi jikatampe jafumine ku jitanda amba, “Tala, kya kwikalamo Lesa kiji mu bantu! Aye ukekala naabo, ne abo naabo bakekala ke bantu banji. Ne Lesa mwine ukekala naabo, ne kwikala ke Lesa wabo.

Lumwekesho 21:3 Iomraidhean Croise

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 14:23

Yesu wamukumbwile amba, “Inge muntu wantemwa, ukalama byambo byami ne bataata bakamutemwa, ne atweba tukeya ko aji, ne kwikala monka mwi aye.

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

2 kolinda 6:18

Kabiji nkekala ke Shenu, ne anweba mukekala ke baana bami ba balume ne ba bakazhi, byo byamba Nkambo wa bulume bonse.”

Tesalonika 3:11

Pano Lesa wetu Taata, aye mwine, ne Nkambo yetu Yesu, betunengezhezhe jishinda ja kwiya ko muji.

Bahebelu 11:16

Pakuba pano, basakisha kyalo kyakila mu kuwama, kya mwiulu. Onkao mambo aye Lesa kechi wauba bumvu kutelwa amba Lesa wabo ne, mambo wibanengezhezha jimo muzhi.

Bahebelu 8:10

Mambo luno lo lulayang'ano lo nkalenga na ba mu kikota kya bena Isalela mu oa moba, byo byaamba aye Nkambo. Amiwa nkabika Mizhilo yami mu milangwe yabo ne kwiinemba pa michima yabo. Amiwa nkekala ke Lesa wabo, ne abo bakekala ke bantu bami.

Bahebelu 8:2

Wamwingilo wa mu nzubo yazhila, mutente wa kine, ye apopele Nkambo, kechi muntu ne.

Lumwekesho 10:4

Kabiji byo byaluluminenga abya bilulumo bitanu na bibiji, nasakile kunemba. Ponkapo naumvwine jiwi jafumine mwiulu amba, “Shiinka na kateetesho abya bintu byo waumvwa byaamba bilulumo bitanu na bibiji, kabiji kechi wibinembe ne!”

Lumwekesho 10:8

Ne jonkaja jiwi jo naumvwine mwiulu, nejumvwine kasa jing'ambila jibiji amba, “Yanga ukatambule awa buku ye bazhikula uji mu kuboko kwa yewa malaika waimana pa kalunga ne pa mushiji.”

Lumwekesho 12:10

Kepo naumvwine jiwi jikatampe mwiulu amba, “Pano lupulukilo, ne bulume, ne bufumu bwa Lesa wetu, ne luusa lwa Kilishitu wanji, byafika! Mambo awa mushinawishi wa bakwetu waelwa panshi. Yenkaye wibashinawijilenga kwi Lesa wetu mute ne bufuku.

Lumwekesho 21:7

Aye ushinda ukaswana bino bintu ne amiwa. Kabiji nkekala ke Lesa wanji, ne aye naye ukekala ke mwanami.

Lumwekesho 22:3

Kabiji mafingo kechi akekalako jibiji ne. Ne jitanda ja Lesa ne ja Mwana Mukooko jikekala monka, ne bakalume banji bakamwingijilanga.

Lumwekesho 7:15

Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.