Lumwekesho 21:23 - KNTP

²³ Kabiji awa muzhi kechi usaka kyeya kya juba nangwa kya ng'ondo ne, mambo lukumo lwa Lesa lo lwamutokesha, ne aye Mwana Mukooko ye lampi wanji.

Lumwekesho 21:23 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mako 8:38

Mambo aye ukangubila bumvu amiwa ne mambo ami mu kino kisemi kya bukende ne kya bundengamambo, ne Mwana Muntu naye ukamubila bumvu byo akeya mu lukumo lwa Shanji na bamalaika bazhila.”

Luka 2:32

Kyeya kya kwibamwesha Bangentila ne lukumo lwa bantu benu bena Isalela.”

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:18

Kafwako muntu wamwenepo Lesa ne. Yenkawa Mwana umo uji mu kyaji kya Shanji, ye wamulumbulwile.

Yoano 1:4

Mwi aye mwajinga bumi, ne abwa bumi bwajinga Kyeya kya bantu.

Yoano 1:9

Akyo kyajinga kyeya kya kine, kisaamina bantu bonse, pa kwiya pano pantanda.

Yoano 17:24

“Taata! Aba bomwampele, nasaka namba, konji amiwa, ne abo nabo bakekale ne amiwa, namba bakamone lukumo lwami, lo mwampele mambo anweba mwantemenwe amiwa ne ntanda kasa ikyangye kulengwa.

Yoano 5:23

amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.

Byubilo 22:11

Kabiji amiwa byo nabujile kukonsha kumona na mambo a lukumo lwa kyokya kyeya, natangijilwe na kuboko kwa boba bonajinga naabo, ne kufika nakafikile mu Damasakasa.”

Lumwekesho 14:4

Bano bo boba babuula kwibipisha na banabakazhi, mambo bo bakatanda babuula kusambakanapo na wa mukazhi. Bano bo boba balondela aye Mwana Mukooko konse ko aya. Bakujilwe mu bantu, amba bekale ke bya nsomo kwi Lesa ne kwi aye Mwana Mukooko.

Lumwekesho 18:1

Pakupita bibye namwene malaika mukwabo kasa ekila mwiulu. Wajinga na luusa lukatampe, ne lukumo lwanji lwapaine kyeya pantanda ponse.

Lumwekesho 21:11

wajinga na lukumo lwa Lesa. Kubekauka kwanji kwaubile nobe jibwe jakila mu buneme, nobe jibwe ja yasipa, ja kilola nobe kilishitala.

Lumwekesho 21:25

Kabiji bibelo byanji kechi bakebishinkanga mute ne, mambo bufuku kechi bukekalamo ne.

Lumwekesho 22:5

Ne bufuku kechi bukekalako ne, kabiji kechi bakasaka kyeya kya lampi nangwa kya juba ne, mambo Nkambo Lesa ukebapa kyeya. Kabiji bakekala mu bufumu myaka ne myaka.

Lumwekesho 5:6

Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.

Lumwekesho 7:17

mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”