Lumwekesho 20:8 - KNTP

⁸ kabiji ukalupuka mu kwiijimbaika mikoka ya bantu ba ku makonka ana a pantanda, ko kuuba amba, Gogi ne Magogi. Mu kwibapwizha pamo ku nkondo, nambala yabo iji pamo nobe musenga wa ku kalunga.

Lumwekesho 20:8 Iomraidhean Croise

Bahebelu 11:12

Onkao mambo kufuma mu muntu umo, naye wajinga nobe mufu, mwasemekelwe bavula pamo nobe kuvula kwa tubangabanga twa mwiulu, kabiji nobe kuvula kwa musenga uji ku kitulu kya kalunga ka mema.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 16:14

Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 20:3

Ne kumutaya mu kalengwa kabula kupela, washinkilepo ne kubikapo kateetesho peulu ya kalengwa, amba kechi ajimbaike mikoka ya bantu jibiji ne, poso aya myaka 1,000 ikapwe. Pakupita ino myaka kyafwainwa akakasululwe kakimye kacheche.

Lumwekesho 7:1

Pakupita bibye, namwene bamalaika bana kasa baimana ku makonka ana a pano pantanda, kasa bakwata luvula luna lwa pano pantanda amba, kafwako luvula nangwa lumo lupuupe pano pantanda, nangwa pa kalunga, nangwa pa bichi ne.