Lumwekesho 20:4 - KNTP

⁴ Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 20:4 Iomraidhean Croise

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 24:10

Ne bavula baketuntula, bakesolola bene na bene, ne kwishikwa bene na bene.

Mako 6:16

Pakuba Heloda byo aumvwine wa ambile amba, “Ye Yoano Mubatishi ye natapile wasanguka.”

Mako 6:27

Ponkapotu mfumu watumine mushilikale wa mu bakalama banji ne kumukambizha amba, a kalete mutwe wakwa Yoano. Kabiji wayile na kumuchiba mutwe monka mu kaleya,

Mako 9:11

Kabiji bamwipwizhe amba, “Mambo ka banembeshi bamba amba, patanshi Elaija wafwainwa kwiya?”

Luka 1:17

Kabiji ne aye ukatangilapo palutwe ya kwa Nkambo mu mupashi ne mu bulume bwa kwa Elaija, na kwalula michima ya bashabo ku baana, ne bamilengulwila amba bende mu maana a baoloka, amunengezhezhe jimo Nkambo bantu bo ba lumbulwila jimo.”

Luka 14:14

ne anweba mukatokwa, mambo abo kechi baji nabyo bakemubwezhezha ne. Ba kemubwezhezhabyo mu lusanguko lwa baoloka.”

Luka 22:30

Namba mukaje ne kutoma ku tebulu wami mu bufumu bwami; kabiji mukekala pa matanda na kuchiba mambo a mikoka jikumi na ibiji ya bena Isalela.”

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Loma 11:15

Mambo umvwe kutayiwa kwabo ko kwalengela kwibapwanya ba pano pantanda, nanchi kutambulwa kwabo jibiji ku kalumbululaka, kechi kikekala nobe bumi bwafuma mu bafu nenyi?

Loma 8:17

Kabiji umvwe twi baana, byonkabyo kabiji twi banswanyi ba Lesa, ba kuswana pamo ne Kilishitu, umvwe twamanama nanji pamo, amba tukatumbijikwe nanji pamo.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

Lumwekesho 1:2

Yenka washimwine mambo a Lesa, ne byambo bya ambile Yesu Kilishitu, ne bintu byonse byo amwene.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 11:11

Kabiji pakupita ao moba asatu ne ja kupelelezha pakachi, mupashi wa bumi kufuma kwi Lesa watwelele mwi abo, ponkapo baimene, ne moyo mukatampe wibakwachile bonse bebamwene.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 11:3

Ne amiwa nkapana luusa ku batumonyi bami babiji, bakaulanga moba 1,260 kasa bavwala kisapi kya majilo.”

Lumwekesho 11:7

Kabiji byo bakapwisha kushimuna kwabo, awa lukinyama ufuma mu kalengwa kabuula kupela, ukalwa naabo, ne kwibashinda, ne kwibepaya.

Lumwekesho 12:11

Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.

Lumwekesho 14:11

Ne bwishi bwa kumanama kwabo bufutumuka myaka ne myaka, kabiji kechi bakokoloka mute nangwa bufuku ne, aba bapopwela lukinyama ne kipashang'ano kyanji, ne aba batambula kayukilo ka jizhina janji.

Lumwekesho 15:2

Ponkapo namwene nobe kalunga ka kilola byavwangakana na mujilo. Kabiji namwene ne aba bashinjile awa lukinyama, ne kipashang'ano kyanji, ne nambala ya jizhina janji, kasa baimana ku kalunga ka kilola, kasa baji na byansa bya Lesa.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 2:26

Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 20:6

Watokwa ne kuzhila awa ukekala mu alwa lusanguko lutanshi. Lufu lwa bubiji kechi luji na luusa pabano ne, pakuba bakekala bang'anga ba kwa Lesa ne Kilishitu, ne kwikala nanji ke bamfumu myaka 1,000.

Lumwekesho 22:5

Ne bufuku kechi bukekalako ne, kabiji kechi bakasaka kyeya kya lampi nangwa kya juba ne, mambo Nkambo Lesa ukebapa kyeya. Kabiji bakekala mu bufumu myaka ne myaka.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 6:9

Kabiji byo ashinkwile kateetesho ka butanu, namwene munshi ya kyakusokelapo byakufutumuna myeo ya boba bo baipayile na mambo a byambo bya Lesa, ne na mambo a kulama bukamonyi bwabo.

Lumwekesho 7:3

amba, “Kechi mwiyube bibi ntanda nangwa kalunga, nangwa bichi ne, poso tukapwishe kubiika kayukilo pa bilungi bya bakalume ba Lesa wetu.”