Lumwekesho 20:3 - KNTP

³ Ne kumutaya mu kalengwa kabula kupela, washinkilepo ne kubikapo kateetesho peulu ya kalengwa, amba kechi ajimbaike mikoka ya bantu jibiji ne, poso aya myaka 1,000 ikapwe. Pakupita ino myaka kyafwainwa akakasululwe kakimye kacheche.

Lumwekesho 20:3 Iomraidhean Croise

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 27:66

Kabiji ke baye ne kuya, bekilamine kilende, ne kubikako kateetesho ku jibwe, bakalama kasa baji konka.

Mako 4:15

Nkunwa yakushiwa mu jishinda bo bo bano, pa kwiomvwa Satana wiya ponkapotu, ne kwangata mambo akushiwa mwi abo.

Luka 8:31

Ne abo bamusashijile amba, kechi eba kambizhe kuya mu kalengwa kabula mpelo ne.

2 kolinda 11:3

Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.

2 Petelo 3:8

Bino anweba batemwe, kechi muvulame kino kintu kimo ne, namba kwi aye Nkambo juba jimo jauba nobe myaka kiumbi, ne myaka kiumbi yauba nobe juba jimo.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 17:2

Ye wauba bulalelale na bamfumu ba pano pantanda, ne abo bekala pano pantanda bapendwa binyu bya bulalelale bwanji.”

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 20:1

Kabiji namwene malaika kasa ekila kufuma mwiulu, wajinga na kii wa kalengwa kabula kupela ne munyololo mukatampe mu kuboko kwanji.