Lumwekesho 20:2 - KNTP

² Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.

Lumwekesho 20:2 Iomraidhean Croise

Mateo 19:29

Kabiji bonse baleeka mazubo, nangwa balongo, nangwa banyenga, nangwa bashabo, nangwa bainaabo, nangwa baana, nangwa majimi, pa jizhina jami, bakatambula byavula bya mu byonkabyo, kabiji bakaswana bumi bwa myaka.

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Mako 4:15

Nkunwa yakushiwa mu jishinda bo bo bano, pa kwiomvwa Satana wiya ponkapotu, ne kwangata mambo akushiwa mwi abo.

Mako 5:7

ne kubijika na jiwi jikatampe amba, “Lelo nanchi, ikika kyo musaka kwi amiwa, Yesu Mwana Lesa Mwine Wakila? Nemulomba kwi Lesa namba kummanyika amiwa ne.”

Yoano 12:31

Pano kino kyo kimye kya kuzhatwa kwa pano pantanda, pano mfumu wa pano pantanda ukapangwa.

Yoano 16:11

na mambo a bunchiba mambo, mambo mfumu wa pano pantanda wachibilwao ne kuzhatwa.

Loma 16:20

Ne aye Lesa wa mutende ukamuchakakanya Satana munshi ya maulu enu palutwe kacheche. Bupe bwa Nkambo yetu Yesu Kilishitu bwikale ne anweba.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

2 Petelo 2:4

Mambo umvwe Lesa wabujile kwibaleka bamalaika byo balengele mambo, bino wibatayile mu Tatalusa, ne kwibabika mu bimbo bya mfishi, na ku pepembelela kije.

Yuda 1:6

Ne bamalaika babujile kulama bukulumpe bwabo, kabiji bashiile bifulo byabo byo baikajilengapo bene, wibalama mu mfungwa ya myaka mu mfishi, na kupembelela kije kya aja juba jikatampe.

Lumwekesho 12:13

Kabiji aye nsung'unyi byo amwene amba, watayiwa pano pantanda, wapachilenga awa mwanamukazhi wasemene awa mwana wamulume.

Lumwekesho 12:15

Ne aye mulolo wapaajile mema mu kanwa kanji, nobe mukola mu nyuma ya mwanamukazhi, amba amukumpule ne kumutwala.

Lumwekesho 12:17

Ponkapo aye nsung'unyi wamuzhingijile bingi mwanamukazhi kaye ne kuya na kulwa naabo bashajilepo ba munkunwa yanji, bonka balama mikambizho ya Lesa, ne kukwachisha bukamonyi bwa Yesu.

Lumwekesho 12:3

Kwamwekele ne kiyukilo kikwabo mwiulu. Kwajinga nsung'unyi mukatampe uchila kasa aji na mitwe itanu na ibiji, ne nsengo jikumi, ne pa mitwe yanji pajinga tubondo tutanu na tubiji.

Lumwekesho 12:4

Ne luminzo wanji wakokele lubaji lumo lwa pa lubaji lusatu lwa tubangabanga twa mwiulu, ne kwitutaya pantanda. Kabiji aye nsung'unyi waimene mu kyenyi kya mwanamukazhi, yenkawa wasakile kusema, amba pa kusema mmine mwananji.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:2

Awa lukinyama ye namwene wamwekelenga nobe kisumpa, ne maulu anji nobe maulu a mbeyala, ne kanwa kanji nobe kanwa ka bokwe. Ne aye nsung'unyi wamupele bulume bwanji, ne jitanda janji, ne luusa lukatampe.

Lumwekesho 13:4

Kabiji bamupopwejile nsung'unyi mambo wapaine luusa lwanji kwi aye lukinyama. Bapopwejile ne aye lukinyama ne kwamba amba, “Ng'anyi waesakana nanji uno lukinyama? Kabiji ng'anyi wakonsha kulwa nanji?”

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 20:7

Kabiji pakupwa aya myaka 1,000, Satana ukakasululwa mu kaleya kanji,

Lumwekesho 9:11

Bino baji na mfumu wabo yenkaye malaika wa kalengwa. Jizhina janji mu Kihebelu ja Abadoni, pakuba mu kigiliki namo ja Apolyona. (Kulumbulula amba “Monaushi.”)