Lumwekesho 20:12 - KNTP

¹² Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 20:12 Iomraidhean Croise

Mateo 11:22

Amiwa nemwambila namba, mu juba ja kije bya malwa, bya bena Tila ne Shidona bikakepako, kechi bikesakana na byenu ne!

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Luka 10:20

Nangwa byonkabyo kechi musekele mambo bademona bemukookela ne, sekelai mambo mazhina enu anembwa mwiulu.”

Byubilo 24:15

Naikala na luketekelo lumo mwi Lesa, lo baitaba abo bene amba, kukekala lusanguko lwa baoloka ne babula koloka.

Loma 2:6

Ye ukapana ku muntu yense monka mwayila mingilo yanji.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

2 kolinda 5:10

Mambo atweba bonse tukamweka konka ku kipona kya kije kya Kilishitu, amba bonse pa muntu pa muntu, tukatambule mfweto ya bintu bya mu mibiji, monka mo twaubijile, nangwa byawama nangwa byatama.

Filipai 4:3

Ee kine, na kusashijila ne obewa mukwetu wa kine mu mwingilo namba, mwi bakwashe bano banabakazhi, mambo baingijilenga kyakosa bingi pamo ne amiwa mu Mambo Awama, pamo ne Kilemente, ne bonse bakwetu bamwingilo bona bula kutongola mazhina abo, baji na mazhina abo mu buku wa bumi.

Lumwekesho 11:18

Kabiji ba mitundu ya bantu yazhingijile, mambo bukaji bwenu bwafika, kimye kya kwibachibila mambo bafu kyafika. Ne kya kupana mfweto ku bakalume benu bangauzhi, ne ku bazhijikwa benu, ne bonse baakamwa jizhina jenu, bacheche ne bakatampe. Kimye kya kwibonauna aba bonauna ntanda!”

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 19:5

Ponkapo jiwi jafumine ku jitanda amba, “Totai Lesa wetu, anweba bakalume banji bonse, anweba bamwakamwa, bacheche ne bakatampe!”

Lumwekesho 2:23

Kabiji baana banji nkebepaya, ne bipwilo byonse bikayuka byo nji ukebakeba byonse byafyamika mu milanguluko ne mu michima. Kabiji nkemupa bonse monka mwayila mingilo yenu.

Lumwekesho 20:11

Kabiji namwene jitanda jikatampe jitoka, ne aye waikajileepo. Jiulu ne ntanda byanyemene kilungi kyanji kabiji kechi byamwene pa kwikala ne.

Lumwekesho 20:13

Kabiji kalunga kasolwele bafu bajimo. Ne lufu ne kalunga ka bafu byasolwele bafu bajimo. Kabiji bonse bebachibijile mambo monka mwayila byo baubile.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 22:12

“Umvwa! Abo ngiya bukiji! Ne mfweto yami nji nayo, ya kupana ku bonse, monka mwayila mingilo yabo.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.