Lumwekesho 2:3 - KNTP

³ Kabiji nayuka namba, obewa wachinchika ne kukoselamo mu jizhina jami, bino kechi wakooka ne.

Lumwekesho 2:3 Iomraidhean Croise

Mako 15:21

Kabiji bakanjikizhe umo wapichilenga, Shimona mwina Kilene, wafuminenga mungye, (shabo Alekizanda ne Lufusa) amba, “Tuye ne obewa usende musalabu wanji.”

Luka 14:27

Awa wabula kusenda musalabu wanji mwine ne kundondela amiwa ne, kechi wakonsha kwikala ke mwana wabwanga ne.

Luka 18:1

Kabiji aye wibatayile kishimpi mu kwibabuula amba bafwainwa kulomba moba onse ne kukooka ne.

Luka 21:19

Mukapulusha myeo yenu monka mu kutekanya kwenu.”

Luka 5:5

Ne Shimona wamukumbwile amba, “Nkambo, twajikukabakana bufuku bonse ne kukwata nangwa kamotu ne! Byonkabyo na mambo a jiwi jenu nsakwiata makonde”

Luka 8:15

Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Yoano 15:21

Pakuba bakemuuba bino byonse na mambo a jizhina jami, mambo kechi bamuyuka aye wantumine ne.

Loma 12:12

Sekelai mu luketekelo, tekanyai mu bya malwa, kasa mukelwa mu milombelo.

Loma 16:12

Bemunai ba Tilifena ne Tilifosa bengila mwi Nkambo. Imunai ne Pelesisi mutemwe, ye waingijilenga kyakosa mwi Nkambo.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 8:25

Bino umvwe twibiketekela byo twabula kumona, twibipembelela na muchima watekanya.

1 Kolinda 13:7

Butemwe busenda byonse kasa bwazhindama, kabiji bwitaba byonse, buketekela byonse, kabiji butekanya mu byonse.

1 Kolinda 16:16

nemusashijila namba mwibanekenene ba byonkabyo, ne bonse bakwasha mu mwingilo ne kwingila.

2 kolinda 10:15

Kechi tubena kukila pa kikonkwanyi kyetu ne kwitotela mu mingilo ya bakwetu ne. Mambo twaketekela namba, pa kukoma lwitabilo lwenu, ne atweba tukakomena mwi anweba, kabiji ne mwingilo wetu ukayanga nakubaisha kufika ne kwalepa.

2 kolinda 11:23

Umvwe bo bamingilo ya Kilishitu (naamba nobe nakonya kala) amiwa nebakila, mu mingilo yakosa yakila mu kuvula, ne mu tuleya twakila mu kuvula, ne mu bipumo byavula kechi bya kubala ne, ne mu bya lufu javula.

2 kolinda 4:1

Onkao mambo byo tuji na ye uno mwingilo, monka mo twaubijilwe lusa, kechi tupungila ne.

2 kolinda 4:16

Onkao mambo kechi tupungila ne. Pakuba nangwa bumuntu bwetu bwa mubiji bubena kuya na konaika, bumuntu bwetu bwa mukachi bubena kusangulwa pa juba pa juba.

2 kolinda 5:9

Onkao mambo kabiji tuteshakotu muchima namba, nangwa kwetu nangwa kungi, twikale ba kumutokeshanga pa muchima.

2 kolinda 6:5

Ne mu bipumo, ne mu bukaili, ne mu biwowo, ne mu mingilo yakosa, ne mu bya kutong'ama ne mu kukajilwa kajo.

Ngalatiya 6:2

Isendelaingako bisendwa anweba bene na bene, byonkabyo mukafikizha muzhilo wa Kilishitu.

Ngalatiya 6:9

Kabiji kechi tukooke mukuuba byawama ne. Mambo mu kimye kyafwainwa tukanowa umvwe ne kukooka ne.

Filipai 2:16

Kasa mwakwachisha ku byambo bya bumi. Amba mu juba ja Kilishitu nketotelemo namba kechi nanyemene kyatu nangwa kwingila kyatu ne.

Filipai 4:3

Ee kine, na kusashijila ne obewa mukwetu wa kine mu mwingilo namba, mwi bakwashe bano banabakazhi, mambo baingijilenga kyakosa bingi pamo ne amiwa mu Mambo Awama, pamo ne Kilemente, ne bonse bakwetu bamwingilo bona bula kutongola mazhina abo, baji na mazhina abo mu buku wa bumi.

Kolose 1:11

Bemukoseshe na bulume bonse monka mwayila ngovu ya lukumo lwanji. Ne na butekanye bonse, ne kukooka muchima ne lusekelo pamo.

Tesalonika 1:3

Kasa twimuvuluka ne kuvulama ne, konka ku meso a Lesa Taata wetu, mambo a mwingilo wenu wakosa wa butemwe ne butekanye bwenu bwa luketekelo lwa mwi Nkambo yetu Yesu Kilishitu.

Tesalonika 2:9

Mambo anweba bakwetu, mwayuka mingilo yetu yakosa ne malwa etu byo twimusapwijile Mambo Awama a Lesa, kasa twingila bufuku ne mute kuchiina amba, twakeya kwimukatazha pa kwitumwena mwa kwikeela.

Tesalonika 5:12

Kabiji anweba bakwetu twimusashijila namba, kasa mwi banemeka a ba bengila kyakosa mwi anweba, bo bemulama mwi Nkambo ne kwi mufunjisha.

2 Tesalonika 3:13

Pakuba anweba bakwetu, kechi mukooke mukuuba byawama ne.

2 Tesalonika 3:5

Pano aye Nkambo atangijile michima yenu mwayila butemwe bwa Lesa ne butekanye bufuma kwi Kilishitu.

2 Tesalonika 3:8

Kabiji kechi twajiile kajo katuutu ka muntu nangwa umo ne. Pakuba twaingijilenga mwingilo wakosa ne wa malwa. Twaingijilenga bufuku ne mute kuchiina amba twakemukatazha.

1 Timoti 4:10

Mambo na onka ano mambo o twingijisha kyakosa kasa twakolomokatu, mambo luketekelo lwetu luji mwi Lesa mumi, ye Mupulushi wa bantu bonse, pakuba baitabila bo bene.

1 Timoti 5:17

Bakulumpe ba kipwilo balama kipwilo bulongo mwibalanguluke amba, bo bafwainwa mushingi wakila, kikatakata aba bengila kyakosa mu byambo ne mu kufunjisha bo bene.

Bahebelu 10:36

Mambo kimufwainwa kutekanya, amba pa kupwisha kuuba kyaswa muchima wa Lesa mukatambule kyalayilwe.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Bahebelu 13:13

Onkao mambo tulupukile ko aji pangye ya nkambi kasa twasenda mwenga wanji.

Bahebelu 6:10

Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.

Bahebelu 6:12

Kechi mube mukose ne, poso kulondela bonkaba baswana milaye monka mu lwitabilo ne mu butekanye.

Bahebelu 6:15

Kabiji aye Abulahama byo atekenye watambwile mulaye.

2 Petelo 1:6

ne mu maana enu namo mu mwenemo kwikanya, ne mu kwikanya kwenu namo mu mwenemo butekanye, ne mu butekanye bwenu namo mu mwenemo ku nemeka Lesa,

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.