Lumwekesho 2:26 - KNTP

²⁶ Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 2:26 Iomraidhean Croise

Mateo 10:22

Kabiji bakemushikwa ku bantu bonse pa jizhina jami. Bino awa ukakoselamo kufika ne kumpelo, ye ukapuluka.

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 24:13

Bino awa ukakoselamo kufika ne kumpelo ye ukapuluka.

Yoano 6:29

Kumvwa Yesu wibambijile amba, “Uno ye mwingilo wa Lesa, amba mu mwitabile aye yenka ye atuma.”

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

Loma 8:37

Ine, mu bino bintu byonse twakila mu kushinda monka mwi aye witutemenwe!

Tesalonika 3:5

Onkao mambo ne amiwa byo nabujile kumona mwa kwikizhizha muchima bulongo, natumine muntu namba ngyuke lwitabilo lwenu, kuchiina amba, wa kwimweseka apo kampe wimweseka, ne mwingilo wetu wakaaluka ke watu.

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Yakoba 2:20

Bino obewa kilubi wasaka kuyuka amba, lwitabilo lwabula mingilo lo lwatu nyi?

1 Yoano 2:19

Bafumine mwi atweba, bino kechi bajinga ba mwi atweba ne; mambo inge bajinga ba mwi atweba, bafwainwe kutwajijila ne atweba. Bino bafumine mwi atweba mu kwi bamwesha amba kechi bonse bo ba mwetu ne.

1 Yoano 3:23

Kabiji uno ye mukambizho wanji, amba twitabile mu jizhina ja Mwananji Yesu Kilishitu, ne kwitemwa atweba bene na bene, byonka byo etu kambizha aye mwine.

1 Yoano 5:5

Kabiji ye ng'anyi muntu ushinda panopantanda? Kana yenka waitaba amba Yesu ye Mwana Lesa.

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 21:7

Aye ushinda ukaswana bino bintu ne amiwa. Kabiji nkekala ke Lesa wanji, ne aye naye ukekala ke mwanami.

Lumwekesho 22:5

Ne bufuku kechi bukekalako ne, kabiji kechi bakasaka kyeya kya lampi nangwa kya juba ne, mambo Nkambo Lesa ukebapa kyeya. Kabiji bakekala mu bufumu myaka ne myaka.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.