Lumwekesho 2:25 - KNTP

²⁵ Byonkabyo, akya kyo muji naakyo, kikwachishai poso nkeye.

Lumwekesho 2:25 Iomraidhean Croise

Yoano 14:3

Kabiji inge naya na kwimunengezhezha mpunzha, nkabwela jibiji, ne kwimutwala kwami amiwa mwine, namba akwa konji amiwa, ne anweba mukekale konka.

Byubilo 11:28

Kabiji mwaimene umo jizhina janji Agabusa, ka ambe mu Mupashi amba kukeya kipowe kikatampe kikakumbana pano pantanda ponse. Ne akyo kyaishile mu moba a kwa Kaludiusa.

Loma 12:9

Butemwe bwikale bwa kubula bujimbijimbi. Shikwai byatama, kakachilai kyawama.

1 Kolinda 11:26

Mambo bimye byonse byo mukajanga uno shinkwa, ne kutoma kano katomeno, mukasapwilanga lufu lwa Nkambo poso waiya.

1 Kolinda 4:5

Onkao mambo kechi muchibe mambo kimye kasa kikyangye kufika ne, poso Nkambo waiya. Ye ukasolola patoka bintu byafyamika bya mu mfishi, ne kumwesha bulongo milanguluko ya mu michima, kabiji muntu yense ukamona kutotwa kwi Lesa.

Tesalonika 5:21

esekai bintu byonse, kakachilai byonse byaoloka

Bahebelu 10:23

Tukwachishe ku kwisolola kwa luketekelo lwetu kwa kubula kutelengela, mambo aye walayile ye wakishinka.

Bahebelu 3:6

Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

2 Petelo 3:10

Bino juba ja Nkambo jikeya nobe ngivi. Mo mo bikapita bya mwiulu na kiwowo kikatampe, ne bijimo bikasunguluka na kyuya kya malwa, ne ntanda ne mingilo yaingijilwapo ikasololwa patoka.

Lumwekesho 1:7

Talai, aye ubena kwiya na makumbi! Ne meso onse akamumona, pamo ne aba bamwashile. Ne mikoka yonse ya pano pantanda ikajila mabingo na mambo a aye. Byonkabyo, Amena!

Lumwekesho 22:20

Aye ushimuna bino bintu wa amba amba, “Ee Kine! Abo ngiya bukiji!” Amena. Iyai Nkambo Yesu!

Lumwekesho 22:7

“Kabiji umvwa! Abo ngiya bukiji! Watokwa awa ulama byambo bya mu ye uno buku wa bungauzhi!”

Lumwekesho 3:11

Abo ngiya bukiji. Kwachisha akya kyo uji naakyo, namba kafwako nangwa umo akwangate munchinya wobe ne.

Lumwekesho 3:3

Vuluka byo wafunjishiwe ne byo waumwvine, wibilame, ne kulapila. Umvwe wabula kulaba ne kukenkenta, nkeya nobe ngivi, kabiji kechi ukayuka kimye kyo nkeshilamo kwi obewa ne.