Lumwekesho 2:23 - KNTP

²³ Kabiji baana banji nkebepaya, ne bipwilo byonse bikayuka byo nji ukebakeba byonse byafyamika mu milanguluko ne mu michima. Kabiji nkemupa bonse monka mwayila mingilo yenu.

Lumwekesho 2:23 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Yoano 21:17

Kabiji aye wamwipwizhe ja busatu amba, “Shimona, mwana Yona, wantemwa nyi?” Ponkapo Petelo kyamubile bulanda mambo aye wamwambijile ja busatu amba, “Wantemwa nyi?” Ne aye wamukumbwile amba, “Nkambo, anweba mwayuka bintu byonse, mwayuka amba amiwa nemutemwa.” Ne Yesu wamwambijile amba. “Kajishai mikooko yami.

Yoano 4:16

Ne Yesu wamwambijile amba, “Kamwite mwata obe, wiye nanji kuno.”

Byubilo 1:24

Ponkapo balombele amba, “Anweba Nkambo, mwayuka michima ya bantu bonse, mwitubuule pa bo bano babiji ye mwasalulula,

Loma 14:12

Byonkabyo atweba bonse umo umo tukeambila mambo kwi Lesa.

Loma 8:27

Kabiji aye mwine ukebakeba mu michima yetu, yewayuka ne moayila muchima wa Mupashi, mambo aye wibalombelela bazhijikwa monka mwayila kyaswa muchima wa Lesa.

2 kolinda 5:10

Mambo atweba bonse tukamweka konka ku kipona kya kije kya Kilishitu, amba bonse pa muntu pa muntu, tukatambule mfweto ya bintu bya mu mibiji, monka mo twaubijile, nangwa byawama nangwa byatama.

Ngalatiya 6:5

Mambo bonse pa muntu pa muntu bakasenda bisendwa byabo bene, au kyanji, au kyanji.

Bahebelu 4:13

Kabiji kafwako nangwa kilengwa kimo kyafyamika ku meso a Lesa ne, pakuba bintu byonse byasoloka patoka ku meso a yewa ye tukatotololako.

1 Petelo 1:17

Kabiji umvwe mumwita aye amba Taata, yenkaye ukebachibila mambo bonse monka mwayila mingilo yabo kwakubula kutala ku kilungi kya muntu ne, ikalai na kwakamwa mu bimye byo mwa kikala bwenyi pano pantanda.

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 20:13

Kabiji kalunga kasolwele bafu bajimo. Ne lufu ne kalunga ka bafu byasolwele bafu bajimo. Kabiji bonse bebachibijile mambo monka mwayila byo baubile.

Lumwekesho 22:12

“Umvwa! Abo ngiya bukiji! Ne mfweto yami nji nayo, ya kupana ku bonse, monka mwayila mingilo yabo.

Lumwekesho 6:8

Kabiji namwene mbili watubuluka. Ne aye waikalapo, jizhina janji wajinga Lufu, ne Kalunga ka bafu kamulondejile panyuma. Kabiji bebapele luusa lwa pa lubaji lumo lwa pa lubaji luna lwa pano pantanda, lwa kwipaya na mpoko, ne na nzala, ne na mwalo, ne na banyama bakaji ba pano pantanda.