Lumwekesho 2:20 - KNTP

²⁰ Pakuba nji na kino kyo natala bibi mwi obewa, byo wamulekatu awa mwanamukazhi Yezebeli, yenkawa witeela amba, ye ngauzhi. Kabiji aye wibafunjisha ne kwibongola bakalume bami kuuba bulalelale, ne kuja byo batapisha ku bankishi.

Lumwekesho 2:20 Iomraidhean Croise

Byubilo 15:20

Twibanembele amba, bazhile bimo byazhijikwa na bankishi, ne bulalelale, ne nyama yo baipaya ya kubula kwichila mashi, ne mashi.

Byubilo 15:29

namba muzhile byo batapisha ku bankishi, ne kuja mashi ne, ne ku nyama yo baipaya ya kubula kwichila mashi, ne ku bulalelale. Umvwe anweba bene mukazhile ku bino mukoba bulongo. Shalaipo.”

1 Kolinda 10:28

Bino umvwe muntu umo wimwambila amba, “Kino bekitapisha ku bankishi,” kwikija ne na mambo a jiwi ja mu muchima,

Lumwekesho 2:14

Bino nji na bimo bicheche byonatala bibi mwi obewa, mambo uji na bamo baalama lufunjisho lwa Balamu, ye wafunjishe Balaka kwibata bena Isalela kya kwituntulako kya kuja byo batapisha ku bankishi, ne kyakuuba bulalelale.

Lumwekesho 2:4

Bino nji na kino kyo natala bibi mwi obewa, namba waleka butemwe bowajinga naabo patanshi.