Lumwekesho 2:18 - KNTP

¹⁸ “Kabiji kwi aye malaika wa mu kipwilo kya mu Tiyatila unembe amba; “Aye Mwana Lesa, ye uji na meso auba nobe lubeebe lwa mujilo, ne maulu anji auba nobe lubemba ye batubula, wa amba bino amba,

Lumwekesho 2:18 Iomraidhean Croise

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Mateo 27:54

Kabiji mukulumpe wa bashilikale, ne abo bo ajinga naabo na kumutala Yesu, pa kwikimona kitentanshi, ne bintu byaubilwe, ke moyo mukatampe amba, “Kine uno wajinga Mwana Lesa!”

Mateo 3:17

Kepo jiwi jafumine mwiulu amba, “Uno ye mwanami ye natemwa, mo namwena lusekelo.”

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Yoano 1:49

Kumvwa Natanela amba, “Laabi, anweba mwi Mwana Lesa; anweba mwi Mfumu wa bena Isalela.”

Yoano 10:36

Anweba munena ye bazhijika, watumwa kwi bataata pano pantanda amba, wamuuba mwenga Lesa byo najikwamba namba, amiwa ne Mwana Lesa nyi?

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 3:18

Aye wamwitabila kechi wazhatwa ne, pakuba awa wabula kwitabila wazhatwa kala, mambo kechi waitabila mu jizhina ja Mwana Lesa yenkawa umo ne.

Yoano 5:25

Kabiji kine, nemwambila namba, juba jibena kwiya, ne pano jafika kala, po bakomvwa bafu jiwi ja Mwana Lesa, ne abo bakomvwa bakekala na bumi.

Byubilo 16:14

Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo.

Byubilo 8:36

Ne byo bakiilenga mu jishinda, bafikile ne kwajinga mema, kumvwa aye ntungu amba, “Talai mema ao, kisakunkanya kubatizhiwa i kika?”

Loma 1:4

kabiji watongwelwe na bulume monka mu lusanguko lwa mu bafu amba ye Mwana Lesa, mwayila Mupashi wa buzhile, aye Yesu Kilishitu Nkambo yetu.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 2:1

“Kwi aye malaika wa mu kipwilo kya mu Efisesa unembe amba; “Aye wakwata tubangabanga tutanu na tubiji mu kuboko kwanji kwa kilujo, ye upitang'ana mukachi ka bitulwapo malampi bya ngolode bitanu na bibiji, wa amba bino amba,

Lumwekesho 2:24

Pakuba kwi anweba bonse mu Tiyatila, babula kwibiyuka byo batela bamo amba, byazhika bya kwa Satana. Kwi anweba naamba namba, kechi nkemutwikapo kisendwa kikwabo ne.