Lumwekesho 2:17 - KNTP

¹⁷ “Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:17 Iomraidhean Croise

Mateo 13:11

Kumvwa aye amba, “Kya kuyuka byafyamika bya bufumu bwa mwiulu kyapanwa kwi anweba, bino kechi kwi abo ne.

Mako 7:16

Kana muntu uji na matwi omvwe.

Yoano 4:32

Pakuba aye wibambijile amba, “Amiwa nji na kajo ka kuja ko mwabula kuyuka anweba.”

1 Kolinda 2:14

Kabiji muntu wabula Mupashi, kechi utambula bya Mupashi wa Lesa ne, mambo kechi byo bya maana kwi aye ne. Kabiji kechi wakonsha kwibiyuka ne, mambo kumvwisha kukebewa na bukwasho bwa Mupashi wa Lesa.

Kolose 3:3

Mambo mwafwile, ne bumi bwenu bebufya pamo ne Kilishitu mwi Lesa.

Lumwekesho 14:3

Kabiji baimbilenga lwimbo mupya ku meso a jitanda, ne ku meso a aba bomi bana ne aba bakulumpe, kafwako muntu nangwa umo wakonsheshe kufunda awa lwimbo ne poso aba ba 144,000, bakujilwe pano pantanda.

Lumwekesho 19:16

Kabiji pa kivwalo kyanji ne pa jimbwata janji panembelwe jizhina amba, “Mfumu wa ba mfumu ne Nkambo wa ba nkambo!”

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 3:22

“Aye uji na matwi, omvwe byamba Mupashi ku bipwilo.”

Lumwekesho 3:6

“Aye uji na matwi, omvwe byamba Mupashi ku bipwilo!”