Lumwekesho 2:10 - KNTP

¹⁰ Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”

Lumwekesho 2:10 Iomraidhean Croise

Mateo 10:22

Kabiji bakemushikwa ku bantu bonse pa jizhina jami. Bino awa ukakoselamo kufika ne kumpelo, ye ukapuluka.

Mateo 10:28

Abo bepaya mubiji ne kukankalwa kwipaya mweo kwibachiina ne; muchiinai aye wakonsha konauna mubiji ne mweo pamo mu Ngehena.

Mateo 24:13

Bino awa ukakoselamo kufika ne kumpelo ye ukapuluka.

Mako 13:13

Kabiji bakemushikwa ku bantu bonse na mambo a jizhina jami. Bino awa ukakoselamo kufika ne kumpelo ye ukapuluka.

Mako 8:35

Mambo awa usaka kupulusha mweo wanji, ukamutaya, ne aye ukantayila mweo wanji amiwa ne ano Mambo Awama ukamupulusha.

Luka 21:12

Kabiji bino byonse kasa bikyangye kufika bakemukwata, ne kwimupata, ne kwimufikizha mu mashinagoga ne mu tuleya, ne kwimuleeta ku meso a bamfumu ne bandamakyalo na mambo a jizhina jami.

Yoano 12:25

Awa watemwa mweo wanji ukamutaya, pakuba awa washikwa mweo wanji pano pantanda ukamulama ne ku bumi bwa myaka.

Yoano 13:2

Byo bajilenga kijiilo kya mulajilo, Diabola kasa ekibika kala mu muchima wa kwa Yudasa Isakaliota, mwana Shimona, kya kumusolola.

Yoano 13:27

Panyuma ya kutambula kitolo ponkapo ne Satana wamutwelele. Ne Yesu wamwambijile amba, “Akya kyo musaka kuba, kyubai bukiji!”

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Byubilo 21:13

Ponkapo Paulo wakumbwile amba, “Mubena kuubaka, byo mubena kujila ne kundajisha muchima? Mambo amiwa naswa kechi kukaswa konka ne, nangwatu ne kwijifwila jizhina ja Nkambo Yesu ku Yelusalema.”

1 Kolinda 9:25

Kabiji bonse basaka kushindang'ana mu bisela, bekanya mu bintu byonse, amba bakatambule munchinya ubola, pakuba atweba tukatambula ubula kubola.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Yakoba 1:12

Watokwa awa muntu watekanya mu lweseko, mambo pa kulumbuluka ne kwitabilwa, ukatambula munchinya wa bumi yealaya Nkambo kwi abo bamutemwa.

1 Petelo 5:4

Kabiji byo akamweka Kafunga mwine mukatampe, mukatambula munchinya wa lukumo lubula kwaluka.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 13:2

Awa lukinyama ye namwene wamwekelenga nobe kisumpa, ne maulu anji nobe maulu a mbeyala, ne kanwa kanji nobe kanwa ka bokwe. Ne aye nsung'unyi wamupele bulume bwanji, ne jitanda janji, ne luusa lukatampe.

Lumwekesho 13:7

Kabiji aye bamupele kya kulwa na bazhijikwa ne kwibashinda, kabiji bamupele ne luusa lwa pa bisaka byonse, ne mitundu yonse, ne njimi yonse, ne mikoka yonse ya bantu.

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 2:9

nayuka bya malwa byobe, ne buyanji bobe, bino wi munonshi! Nayuka ne mwenga wa abo beteela amba, bo Bayudea bino kechi bo Bayudea ne, bo ba mu shinagoga ya Satana!