Lumwekesho 19:9 - KNTP

⁹ Kabiji aye malaika wang'ambijile amba, “Nemba amba, batokwa aba baitwa ku kijiilo kya masongola a Mwana Mukooko.” Kabiji wang'ambijile amba, “Bino byo byambo bya kine bya Lesa.”

Lumwekesho 19:9 Iomraidhean Croise

Luka 22:16

Mambo nemwambila namba, kechi nke kija ne poso byo kikafikizhiwa mu bufumu bwa Lesa.”

1 Timoti 1:15

Kino kyambo kyokya kishinka, kabiji kyafwainwa kwitabilwa konse amba, Kilishitu Yesu waishile pano pantanda na kupulusha bandengamambo. Mwi abo, amiwa yami ndegamambo mwine wakilaamo,

1 Timoti 4:9

Kino kyambo kyokya kishinka, kabiji kyafwainwa kwitabilwa konse.

2 Timoti 2:11

Kino kyambo kyokya kishinka amba, “Umvwe twafwile nanji pamo, tukekala na bumi pamo ne aye.

Titusa 3:8

Kino kyambo kyokya kishinka. Kabiji na mambo a bino bintu nasaka namba ukoselepotu na kwamba namba, aba bamwitabila Lesa batesheko muchima na kuuba mingilo yawama, bino bintu byawamisha, mambo bantu bamwenamo byawama.

Lumwekesho 1:1

Lumwekesho lwa Yesu Kilishitu, lwamupele Lesa amba, akebabuule bakalume banji, bintu bikamweka palutwe kacheche. Kabiji watumine malaika wanji na kumubuula kalume wanji Yoano.

Lumwekesho 1:19

Onkao mambo nemba abya byo wamona, bintu bijipo, ne bikamweka palutwe.

Lumwekesho 10:4

Kabiji byo byaluluminenga abya bilulumo bitanu na bibiji, nasakile kunemba. Ponkapo naumvwine jiwi jafumine mwiulu amba, “Shiinka na kateetesho abya bintu byo waumvwa byaamba bilulumo bitanu na bibiji, kabiji kechi wibinembe ne!”

Lumwekesho 14:13

Kabiji naumvwine jiwi kufuma mwiulu amba, “Nemba amba, batokwa bafu bafwila mwi Nkambo kufuma ku jino juba ja lelo!” Ne aye Mupashi wa ambile amba, “Ee kine, bakakokoloke ku mingilo yabo yakosa, mambo byubilo byabo bibalondela.”

Lumwekesho 17:1

Kabiji kwaishile umo wa mu boba bamalaika batanu na babiji bajinga na michiba itanu na ibiji, wang'ambijile amba, “Iya kuno, nkubuule luzhachisho lwa yewa pite waya nkuwa, waikala pa mema avula.

Lumwekesho 17:17

Mambo Lesa ye wabiika mu michima yabo kuuba kyaswa muchima wanji, ne kwikala na muchima umo, ne kupana bufumu bwabo kwi aye lukinyama, poso byambo bya Lesa bikafikizhiwe.

Lumwekesho 2:1

“Kwi aye malaika wa mu kipwilo kya mu Efisesa unembe amba; “Aye wakwata tubangabanga tutanu na tubiji mu kuboko kwanji kwa kilujo, ye upitang'ana mukachi ka bitulwapo malampi bya ngolode bitanu na bibiji, wa amba bino amba,

Lumwekesho 2:12

Kabiji kwi aye malaika wa mu kipwilo kya Pelegamuma unembe amba; “Aye uji na mpoko yatwa kubiji wa amba bino amba,

Lumwekesho 2:18

“Kabiji kwi aye malaika wa mu kipwilo kya mu Tiyatila unembe amba; “Aye Mwana Lesa, ye uji na meso auba nobe lubeebe lwa mujilo, ne maulu anji auba nobe lubemba ye batubula, wa amba bino amba,

Lumwekesho 2:8

“Kabiji kwi aye malaika wa mu kipwilo kya mu Simulina unembe amba; “Aye mutanshi ne wapelaako, yenkaye wafwile ne kwikala na bumi jibiji, wa amba bino amba,

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”

Lumwekesho 22:6

Kabiji aye malaika wang'ambijile amba, “Bino byambo byo bya kishinka ne bya kine. Ne aye Nkambo, Lesa upana Mupashi wanji ku bangauzhi, watuma malaika wanji mu kwibabuula bakalume banji bintu bisaka kumweka palutwe kacheche.”

Lumwekesho 3:1

“Kabiji kwi aye malaika wa mu kipwilo kya mu Saladisa unembe amba; “Aye uji na mipashi itanu na ibiji ya Lesa, ne atwa tubangabanga tutanu na tubiji, wa amba bino amba, nayuka mingilo yobe, ne byo uji na jizhina nobe wi mumi, bino wi mufu!

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,

Lumwekesho 3:20

Umvwa! Naimana pa kibelo kasa nkonkonsha, umvwe muntu waumvwa jiwi jami ne kunshinkwilako, amiwa nkatwela mo aji ne kuja nanji, ne aye ne amiwa.

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.