Lumwekesho 19:6 - KNTP

⁶ Kabiji naumvwine jiwi nobe ja jibumba jikatampe, kabiji nobe jiwi ja mema avula, kabiji nobe jiwi ja kutatauka kukatampe kwa mvula amba, “Aleluya! Mambo Nkambo Lesa wetu, wa bulume bonse waikala ke Mfumu!

Lumwekesho 19:6 Iomraidhean Croise

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Lumwekesho 1:15

ne maulu anji aubile nobe mukuba ye bawamisha wasungululwa mu nsaka ya mujilo, ne jiwi janji jaubile nobe jiwi ja mema avula.

Lumwekesho 1:8

Amiwa ne Alefwa ne Omega, byo a amba Nkambo Lesa, ujiipo, wajingapo, ye ukeya, wa bulume bonse.

Lumwekesho 12:10

Kepo naumvwine jiwi jikatampe mwiulu amba, “Pano lupulukilo, ne bulume, ne bufumu bwa Lesa wetu, ne luusa lwa Kilishitu wanji, byafika! Mambo awa mushinawishi wa bakwetu waelwa panshi. Yenkaye wibashinawijilenga kwi Lesa wetu mute ne bufuku.

Lumwekesho 14:2

Kabiji naumvwine jiwi jafumine mwiulu, nobe jiwi ja mema avula, kabiji nobe jiwi ja kutatauka kwa mvula. Kabiji ne jiwi jo naumvwine jaji nobe jiwi ja bang'omba babena kwimba pa byansa byabo.

Lumwekesho 19:1

Pakupita bibye naumvwine nobe jiwi jikatampe ja jibumba jikatampe mwiulu, amba, “Aleluya! Lupulukilo, ne lukumo, ne bulume byo bya kwa Lesa wetu!

Lumwekesho 19:4

Ponkapo abo bakulumpe makumi abiji na bana ne aba bomi bana balambile panshi ne kupopwela Lesa waikala pa jitanda amba, “Amena! Aleluya!”

Lumwekesho 21:22

Kabiji kechi namwenemo nzubo yazhila mu yewa muzhi ne, mambo Nkambo Lesa wa bulume bonse ne aye Mwana Mukooko, yo nzubo yanji yazhila.

Lumwekesho 4:5

Kabiji ne mu jitanda mwalupukile kubeesha, ne mawi, ne bilulumo. Ne malampi atanu ne abiji a mujilo atemenenga ku meso a jitanda, yo mipashi itanu na ibiji ya Lesa.

Lumwekesho 6:1

Kabiji namwene aye Mwana Mukooko byo ashinkwile katetesho kamo ka atwa tuteetesho tutanu na tubiji, kabiji naumvwine umo wa mu boba bomi bana kasa amba na jiwi nobe ja kilulumo amba, “Iya!”

Lumwekesho 8:5

Kabiji aye malaika, byo ashikwile kambabula, wikayuzhizhe na mujilo wa pa kyakusokelapo byakufutumuna ne kumusukumwina pano pantanda. Ponkapo kwajinga kilulumo, ne mawi, ne kubeesha, ne kitentanshi.