Lumwekesho 19:5 - KNTP

⁵ Ponkapo jiwi jafumine ku jitanda amba, “Totai Lesa wetu, anweba bakalume banji bonse, anweba bamwakamwa, bacheche ne bakatampe!”

Lumwekesho 19:5 Iomraidhean Croise

Lumwekesho 13:16

Ne aye wibalengejile bonse, bacheche ne bakatampe, ne banonshi ne balanda, ne baana ba bene ne bazha, amba batambule kayukilo pa maboko abo a kilujo, nangwa pa bilungi byabo.

Lumwekesho 16:17

Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”

Lumwekesho 19:18

Iyai muje nyama ya bamfumu, ne nyama ya bakulumpe ba bashilikale, ne nyama ya bilobo, ne nyama ya bambili ne ya benda pa bambili, ne nyama ya bantu bonse, baana ba bene ne bazha, bacheche ne bakatampe!”

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 7:15

Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.