Lumwekesho 19:18 - KNTP

¹⁸ Iyai muje nyama ya bamfumu, ne nyama ya bakulumpe ba bashilikale, ne nyama ya bilobo, ne nyama ya bambili ne ya benda pa bambili, ne nyama ya bantu bonse, baana ba bene ne bazha, bacheche ne bakatampe!”

Lumwekesho 19:18 Iomraidhean Croise

Mateo 24:28

“Kuji mubiji wafwa ko kukapwilakena makubi.

Luka 17:37

Ne abo baana babwanga bamwipwizhe amba, “Kwepi, Nkambo?” Kepo Yesu ebambijile amba, “Konka kuji mubiji wafwa, ko kukapwilakena makubi.”

Lumwekesho 11:18

Kabiji ba mitundu ya bantu yazhingijile, mambo bukaji bwenu bwafika, kimye kya kwibachibila mambo bafu kyafika. Ne kya kupana mfweto ku bakalume benu bangauzhi, ne ku bazhijikwa benu, ne bonse baakamwa jizhina jenu, bacheche ne bakatampe. Kimye kya kwibonauna aba bonauna ntanda!”

Lumwekesho 13:16

Ne aye wibalengejile bonse, bacheche ne bakatampe, ne banonshi ne balanda, ne baana ba bene ne bazha, amba batambule kayukilo pa maboko abo a kilujo, nangwa pa bilungi byabo.

Lumwekesho 17:16

Ne aya nsengo jikumi yo wajikumona na lukinyama, bo bakamushikwa pite ne kumonauna ne kumuvuula, kabiji bakaja nyama yanji, ne kumusokatu pelu mu mujilo.

Lumwekesho 19:5

Ponkapo jiwi jafumine ku jitanda amba, “Totai Lesa wetu, anweba bakalume banji bonse, anweba bamwakamwa, bacheche ne bakatampe!”

Lumwekesho 6:15

Kabiji ne bamfumu ba pano pantanda, ne bakulumpe ba mu byalo, ne bene bakulumpe ba bashilikale, ne banonshi, ne bilobo, ne bazha ne baana ba bene bonsetu, bafyamine mu mayengo ne mu mabwe a ku mitumba.