Lumwekesho 18:3 - KNTP

³ Mambo mikoka yonse ya bantu yatoma binyu bya lusako lwa bulalelale bwanji. Ne bamfumu ba pano pantanda baubile nanji bulalelale, ne basulu ba pano pantanda mo bamwenejile bunonshi monka mu lunkumbwa lwanji lukatampe.”

Lumwekesho 18:3 Iomraidhean Croise

Luka 7:25

Lelo nanchi mwayile na kumona ka? Muntu wavwala bivwalo byawamisha nyi? Talai! Bavwala bivwalo byawamisha bekala mu bipango bya bamfumu.

1 Timoti 5:11

Bino banabakazhi bafwilwa kasa bakiji banyike kechi wibanembe ne, mambo bya kusakasaka byabo bibalengesha kusaka kusongolwa, bafuma kwi Kilishitu,

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 17:2

Ye wauba bulalelale na bamfumu ba pano pantanda, ne abo bekala pano pantanda bapendwa binyu bya bulalelale bwanji.”

Lumwekesho 18:19

Ponkapo bepukwile lukungu mu mitwe yabo, kasa bajila ne kuuba mabingo, amba, “Mamoo! Mamoo! Muzhi mukatampe! Mo bamwenejile bunonshi bonse baji na maato pa kalunga, na mambo a busulu bwanji bukatampe! Waonaikatu mu awala umo!”

Lumwekesho 18:23

Ne kyeya kya lampi nakyo, kechi kikateema jibiji nangwa pacheche mwi obewa ne, ne jiwi ja musongoshi nangwa ja musongwa najo, kechi jikomvwanyika jibiji nangwa pacheche mwi obewa ne. Mambo basulu bobe bajinga bene bakatampe ba pano pantanda mambo mikoka yonse ya bantu yajimbaikilwe na bung'anga bobe bwa lubuko!”

Lumwekesho 18:7

Monka mo etumbijikiile mwine ne kuuba bya kusakasaka kwanji bya bono mo mukamupela lumanamo ne mabingo. Mambo wa amba mu muchima wanji amba, ‘Amiwa ne mfumu! Kechi ne wafwilwa ne, kabiji kechi nkamona bya kujila mabingo nangwa pacheche ne!’

Lumwekesho 18:9

Ne bamfumu ba pano pantanda, baubile nanji bulalelale ne kwikala nanji mu bya lunkumbwa bwa kusakasaka kwanji, bakamujila na mabingo, byo bakatala bwishi bwa kupya kwanji.