Lumwekesho 18:14 - KNTP

¹⁴ “Ne bipangwa, byo wasakile mu muchima obe bya kunyema ne byonse byanekena ne kuwama byaonaika ko uji, ne bantu kechi bakebimona jibiji ne.”

Lumwekesho 18:14 Iomraidhean Croise

Mateo 11:8

Lelo nanchi mwayile na kumona ka? Muntu wavwala bivwalo byawamisha nyi? Talai! Bavwala bivwalo byawamisha bekala mu bipango bya bamfumu.

Luka 12:20

Pakuba Lesa wamwambijile amba, ‘Obewa kilubi! Bonka buno bufuku mweo wobe wasakiwa, pano byonse byo uji naabyo bikekala bya kwa ng'anyi?’”

Luka 16:25

“Pakuba Abulahama wa ambile amba, ‘Obewa mwana, languluka byo wajinga mumi watambwile byobe byawama, kabiji byonkabyo aye Lazalasa watambwile byatama. Pakuba pano aye watekeneshiwa, ne obewa uji mu lumanamo.

1 Kolinda 10:6

Bino bintu byo bya kumwenako atweba amba, kechi musake bintu bibi byonka byo basakile abo ne.

Yakoba 4:2

Mukumbwa bintu bino kechi mwikala nabyo ne, byonkabyo mwipayang'ana, mukumbwa ne kukonsha kwibimona ne, kabiji mubena kulwa ne kutoboka. Kechi muji na bintu byo musaka ne, mambo kechi mulomba ne.

Lumwekesho 18:13

ne kinamonyi, ne binunka bulongo, ne byakufutumuna, ne manyi a kushinga, ne libona, ne binyu, ne manyi a olivi, ne bukula bwalamba, ne wichi, ne bang'ombe, ne mikooko, ne bambili, ne makalaki, ne bazha, kokuuba amba ne myeo ya bantu.

Lumwekesho 18:15

Basulu ba bino bintu, bamwenejile bunonshi kwi aye, bakemana kwalepa na mambo a kuchiina kumanama kwanji, kasa bajila ne kuuba mabingo,