Lumwekesho 17:5 - KNTP

⁵ Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 17:5 Iomraidhean Croise

Filipai 3:19

Kumpelo yabo ke lonaiko, kabiji lesa wabo jo jivumo jabo, kabiji lukumo lwabo luji mu bya bumvu bwabo, bo bata michima yabo ku bintu bya pano pantanda.

2 Tesalonika 2:7

Mambo akya kyafyamika kya bumpupabizhila kibena kwingila ne pa kino kimye, bino ko aji umo ubena kwikikanya mu kino kimye poso byo bakamufumyapo.

Lumwekesho 1:20

Bino akya kyafyamika kya atwa tubangabanga tutanu na tubiji to wajikumona mu kuboko kwami kwa kilujo, ne abya bitulwapo malampi bitanu na bibiji bya ngolode, byo byo bino; atwa tubangabanga tutanu na tubiji bo bamalaika ba byobya bipwilo bitanu na bibiji, kabiji abya bitulwapo malampi bitanu na bibiji byo bipwilo bitanu na bibiji.”

Lumwekesho 11:8

Kabiji mibiji yabo yafwa ikalaala mu mukwakwa wa mu yewa muzhi mukatampe, yebateela mu kifwanyikizho amba, Sodoma ne Ijipita, mo apopelwe ne Nkambo yabo pa musalabu.

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 16:19

Ponkapo ne awa muzhi mukatampe waabenepo jisatu, ne mizhi ya mikoka ya bantu yakundukile. Ne Babilona mukatampe naye bamuvulukile ku meso a Lesa, amba tumupe katomeno ka binyu bya bukaji bwa Lesa bwakatazha.

Lumwekesho 17:1

Kabiji kwaishile umo wa mu boba bamalaika batanu na babiji bajinga na michiba itanu na ibiji, wang'ambijile amba, “Iya kuno, nkubuule luzhachisho lwa yewa pite waya nkuwa, waikala pa mema avula.

Lumwekesho 17:2

Ye wauba bulalelale na bamfumu ba pano pantanda, ne abo bekala pano pantanda bapendwa binyu bya bulalelale bwanji.”

Lumwekesho 17:7

Ne aye malaika wang'ambijile amba, “Wakumya ka? Amiwa nsakukubula kyafyamika kya aye mwanamukazhi, ne kya lukinyama wamusenda aye uji na mitwe itanu na ibiji ne nsengo jikumi.

Lumwekesho 18:2

Kabiji wabijikile na jiwi jikatampe amba, “Wapona! Babilona mukatampe wapona! Pano wa aluka ke mwa kwikala bademona, ke mwa kulamina bapashi bonse babipa, ne mwa kulamina bang'onyi bonse babipa ne banyama babipa ba muzhilo.

Lumwekesho 18:21

Kabiji malaika wakosa washikwile jibwe nobe jibwe jikatampe ja kupelapo ne kwijitaya mu kalunga, ne kwamba amba, “Byonka bino byo bikatayiwa panshi Babilona, awa muzhi mukatampe, na kinya kikatampe, kabiji kechi ukamweka jibiji ne.

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”

Lumwekesho 7:3

amba, “Kechi mwiyube bibi ntanda nangwa kalunga, nangwa bichi ne, poso tukapwishe kubiika kayukilo pa bilungi bya bakalume ba Lesa wetu.”