Lumwekesho 17:4 - KNTP

⁴ Ne aye mwanamukazhi wavwajile byachiluluka ne byachijisha, ne kwikobaika bya ngolode ne mabwe a buneme ne bamangalite. Kabiji wajinga na katomeno ka ngolode mu kuboko kwanji kayuula na bya bunya ne byabipisha bya bulalelale bwanji.

Lumwekesho 17:4 Iomraidhean Croise

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 18:12

bipe bya ngolode, ne bya siliva, ne mabwe a buneme, ne bamangalite, ne kisapi kya linenyi kyawamisha, ne kyachiluluka, ne kya shilika, ne kyachijisha, ne mapulanga a mutengo mukatampe, ne bijilo byonse byalengwa na meno a ba nzovu, ne bijilo byonse byo basonga ku bichi byawamisha, ne bya lubemba, ne bya kapotwe, ne bya mabwe a myalamyala,

Lumwekesho 18:16

amba “Mamoo! Mamoo! Muzhi mukatampe, wavwajile kisapi kya linenyi kyawamisha ne kyachiluluka ne kyachijisha, ne kwikobaika bya ngolode ne mabwe a buneme ne bamangalite!

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”

Lumwekesho 21:21

Kabiji abya bibelo jikumi na bibiji byajinga bamangalite jikumi na babiji, bibelo byonse byalengelwe na mangalite umo umo. Mukwakwa wa mu muzhi wajinga na ngolode yawamisha nobe kilola.

Lumwekesho 9:21

Nangwa kulapila ku kwipayang'ana kwabo, nangwa ku bya bung'anga bwabo bwa lubuko, nangwa ku bulalelale bwabo, nangwa ku bwivi bwabo ne.