Lumwekesho 17:3 - KNTP

³ Ponkapo aye malaika wantwajile mu Mupashi mungye. Kabiji namwene mwanamukazhi kasa aikala pa lukinyama wachijisha, wajinga na mazhina a mwenga, wajinga na mitwe itanu na ibiji ne nsengo jikumi.

Lumwekesho 17:3 Iomraidhean Croise

Mateo 27:28

Kabiji bamuvujile bivwalo byanji, ne kumuvwika kivwalo kyachijisha.

Byubilo 8:39

Kabiji byo batuntukile mu mema, Mupashi wa Nkambo wamutwajile Filipa, ke kikupu, ne aye ntungu kechi wamumwenepo jibiji ne, kabiji wayile mu jishinda janji na lusekelo.

2 Tesalonika 2:4

Ye wimeena byonse ne kwitumbijika mwine kukila byonse bitelwa bu lesa nangwa bipopwelwa. Kabiji ukekala mu nzubo ya Lesa kasa emweesha amba, yami lesa.

Lumwekesho 1:10

Najinga mu Mupashi mu juba ja Nkambo, kabiji naumvwine kunyuma yami jiwi jikatampe, nobe ja ntolompita.

Lumwekesho 12:14

Ponkapo mwanamukazhi bamupeele byapi bibiji bya mpungu mukatampe, amba atumbuke aye mungyetu kuntu kwanji, ko bakamujishanga myaka isatu ne wa kupelelezha pakachi, mu kumufya ku meso a mulolo.

Lumwekesho 12:3

Kwamwekele ne kiyukilo kikwabo mwiulu. Kwajinga nsung'unyi mukatampe uchila kasa aji na mitwe itanu na ibiji, ne nsengo jikumi, ne pa mitwe yanji pajinga tubondo tutanu na tubiji.

Lumwekesho 12:6

Ne aye mwanamukazhi wanyemejile mungye, ko bamunengezhezhe kwi Lesa amba, bakamujiishe konkakwa moba 1,260.

Lumwekesho 17:18

Kabiji awa mwanamukazhi ye wajikumona ye awa muzhi mukatampe, wikala mu bufumu pa bamfumu ba pano pantanda.”

Lumwekesho 17:4

Ne aye mwanamukazhi wavwajile byachiluluka ne byachijisha, ne kwikobaika bya ngolode ne mabwe a buneme ne bamangalite. Kabiji wajinga na katomeno ka ngolode mu kuboko kwanji kayuula na bya bunya ne byabipisha bya bulalelale bwanji.

Lumwekesho 18:12

bipe bya ngolode, ne bya siliva, ne mabwe a buneme, ne bamangalite, ne kisapi kya linenyi kyawamisha, ne kyachiluluka, ne kya shilika, ne kyachijisha, ne mapulanga a mutengo mukatampe, ne bijilo byonse byalengwa na meno a ba nzovu, ne bijilo byonse byo basonga ku bichi byawamisha, ne bya lubemba, ne bya kapotwe, ne bya mabwe a myalamyala,

Lumwekesho 18:16

amba “Mamoo! Mamoo! Muzhi mukatampe, wavwajile kisapi kya linenyi kyawamisha ne kyachiluluka ne kyachijisha, ne kwikobaika bya ngolode ne mabwe a buneme ne bamangalite!

Lumwekesho 21:10

Kabiji aye wansendele mu Mupashi ku mutumba mukatampe walepa. Aye wammwesheshe muzhi wazhila Yelusalema, kasa ekila mwiulu kufuma kwi Lesa,

Lumwekesho 4:2

Ponkapotu naji mu Mupashi. Kabiji mwiulu mwajinga jitanda, ne umo kasa aikala ponka.