Lumwekesho 17:2 - KNTP

² Ye wauba bulalelale na bamfumu ba pano pantanda, ne abo bekala pano pantanda bapendwa binyu bya bulalelale bwanji.”

Lumwekesho 17:2 Iomraidhean Croise

Yoano 2:10

ne kumwambila amba, “Bantu bonse batendekelapo kusolola binyu byawamisha, kabiji kana bantu baubatu tomee, bino kepo basolola byawamako kacheche. Pakuba anweba mwaji kutuula byawamisha, pano po po mwibileta!”

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 17:13

Bano baji na muchima umo, kabiji bapana bulume bwabo ne luusa lwabo kwi aye lukinyama.

Lumwekesho 17:17

Mambo Lesa ye wabiika mu michima yabo kuuba kyaswa muchima wanji, ne kwikala na muchima umo, ne kupana bufumu bwabo kwi aye lukinyama, poso byambo bya Lesa bikafikizhiwe.

Lumwekesho 17:5

Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 18:23

Ne kyeya kya lampi nakyo, kechi kikateema jibiji nangwa pacheche mwi obewa ne, ne jiwi ja musongoshi nangwa ja musongwa najo, kechi jikomvwanyika jibiji nangwa pacheche mwi obewa ne. Mambo basulu bobe bajinga bene bakatampe ba pano pantanda mambo mikoka yonse ya bantu yajimbaikilwe na bung'anga bobe bwa lubuko!”

Lumwekesho 18:3

Mambo mikoka yonse ya bantu yatoma binyu bya lusako lwa bulalelale bwanji. Ne bamfumu ba pano pantanda baubile nanji bulalelale, ne basulu ba pano pantanda mo bamwenejile bunonshi monka mu lunkumbwa lwanji lukatampe.”

Lumwekesho 18:9

Ne bamfumu ba pano pantanda, baubile nanji bulalelale ne kwikala nanji mu bya lunkumbwa bwa kusakasaka kwanji, bakamujila na mabingo, byo bakatala bwishi bwa kupya kwanji.

Lumwekesho 2:22

Umvwai! Nkamutaya pa mwanya wa misongo, ne aba boba nanji bukende nkebataya mu bya malwa bikatampe umvwe abo ne kulapila ku mingilo yanji ne.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 9:21

Nangwa kulapila ku kwipayang'ana kwabo, nangwa ku bya bung'anga bwabo bwa lubuko, nangwa ku bulalelale bwabo, nangwa ku bwivi bwabo ne.