Lumwekesho 16:8 - KNTP

⁸ Ne wa buna waitulwijile muchiba wanji pa juba. Ne juba bejiswishishe kwibasoka bantu butuchila na kyuya.

Lumwekesho 16:8 Iomraidhean Croise

Mateo 13:6

Bino pa kusaama juba yasokelwe, na mambo a kubula kwikizha mizhazhi yaumine.

Luka 21:25

“Kabiji kukekala biyukilo ku juba, ne ku ng'ondo, ne ku tubangabanga. Ne ba mikoka ya bantu pano pantanda bakasusubala pa kumona malwa, bakekala na moyo mambo a kubuluma kwa mema a kalunga ne manyaki.

Byubilo 2:20

Juba jikaluka ke jifiita, ne ng'ondo ukaluka nobe mashi, juba ja Nkambo kasa jikyangye kufika, jonkaja jikatampe ne ja lukumo.

Lumwekesho 14:18

Ne malaika mukwabo walupukile mu kyakusokelapo byakufutumuna, ye uji na luusa lwa pa mujilo. Ne aye wabijikile na jiwi jikatampe kwiyewa wajinga na kikwakwa kyatwa amba, “Tuma kikwakwa kyobe kyatwa, uchibe bizanze bya mung'anzang'anza wa pano pantanda, mambo mang'anzang'anza anji apiisha kala!”

Lumwekesho 6:12

Kabiji byo ashinkwile kateetesho ka butanu na bumo, ponkapo namwene kitentanshi kikatampe, ne juba jaalukile ke jifiita nobe jisaka ja boya, ne ng'ondo yense waalukile nobe mashi.

Lumwekesho 7:16

Kechi bakomvwa nzala jibiji ne, nangwa kumvwa kilaka ne, ne mute nangwa kyuya kechi bikebakatazha ne,

Lumwekesho 8:12

Ne aye malaika wa buna naye waimbile. Ne lubaji lumo lwa pa lubaji lusatu lwa juba lwapuminwe, ne lwa ng'ondo, ne lwa tubangabanga; amba lubaji lumo lwa pa lubaji lusatu lwabyo byaluke ke bifiita, ne juba kechi jube mute lubaji lumo lwa pa lubaji lusatu lwajo ne, ne bufuku nabo byonkabyo.

Lumwekesho 9:2

Ponkapo washinkwile kalengwa kabuula kupela, kabiji mu kalengwa mwafutumukile bwishi, nobe bwishi bwa munkinyi mukatampe, ne juba ne monse mwiulu mwafiichile na mambo a bwishi bwafumine mu kalengwa.