Lumwekesho 16:2 - KNTP

² Ponkapo mutanshi wayile, nakwitulwila muchiba wanji pa ntanda. Ponkapo bilonda byakatazha ne bya misongo bibafikijile bantu baji na kayukilo kayewa lukinyama, ne bapopwela kipashang'ano kyanji.

Lumwekesho 16:2 Iomraidhean Croise

Byubilo 12:23

Ponkapotu malaika wa Nkambo wamupumine, mambo kechi wapaine lukumo kwi aye Lesa ne, kabiji bamujiile ku mizambo ne kufwa wafwile.

Lumwekesho 13:12

Ne aye uba bintu na luusa lonse lwa awa lukinyama mutanshi konka ku meso anji. Kabiji aye ulengela ntanda ne bekalamo ke bamupopwele awa lukinyama mutanshi, yenkawa wajinga na mutotole wapwile.

Lumwekesho 14:16

Ne aye waikajile pa jikumbi watayile kikwakwa kyanji pano pantanda, ne pano pantanda panowenwe.

Lumwekesho 14:9

Ne malaika mukwabo wa busatu, wibalondejile ne kwamba na jiwi jikatampe amba, “Umvwe muntu upopwela awa lukinyama ne kipashang'ano kyanji, ne kutambula kayukilo pa kilungi kyanji nangwa pa kuboko,

Lumwekesho 16:1

Kabiji naumvwine jiwi jikatampe jafuma mu nzubo yazhila, kasa jibambila aba bamalaika batanu na babiji amba, “Yainga, muketulwile aya michiba itanu na ibiji ya bukaji bwa Lesa pa ntanda!”

Lumwekesho 16:11

ne kumunena Lesa wa mwiulu bya mwenga na mambo a misongo yabo ne bilonda byabo. Bino kechi balapijile ku mingilo yabo ne.

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.