Lumwekesho 16:19 - KNTP

¹⁹ Ponkapo ne awa muzhi mukatampe waabenepo jisatu, ne mizhi ya mikoka ya bantu yakundukile. Ne Babilona mukatampe naye bamuvulukile ku meso a Lesa, amba tumupe katomeno ka binyu bya bukaji bwa Lesa bwakatazha.

Lumwekesho 16:19 Iomraidhean Croise

Lumwekesho 11:8

Kabiji mibiji yabo yafwa ikalaala mu mukwakwa wa mu yewa muzhi mukatampe, yebateela mu kifwanyikizho amba, Sodoma ne Ijipita, mo apopelwe ne Nkambo yabo pa musalabu.

Lumwekesho 17:1

Kabiji kwaishile umo wa mu boba bamalaika batanu na babiji bajinga na michiba itanu na ibiji, wang'ambijile amba, “Iya kuno, nkubuule luzhachisho lwa yewa pite waya nkuwa, waikala pa mema avula.

Lumwekesho 17:18

Kabiji awa mwanamukazhi ye wajikumona ye awa muzhi mukatampe, wikala mu bufumu pa bamfumu ba pano pantanda.”

Lumwekesho 17:5

Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 18:10

Bakemana kwaleepa na mambo a kuchiina kumanama kwanji. Ne kwamba amba, “Mamoo! Mamoo! Awe muzhi mukatampe Babilona, muzhi wakosa! Mu awala umo kuzhatwa kobe kwafika!”

Lumwekesho 18:2

Kabiji wabijikile na jiwi jikatampe amba, “Wapona! Babilona mukatampe wapona! Pano wa aluka ke mwa kwikala bademona, ke mwa kulamina bapashi bonse babipa, ne mwa kulamina bang'onyi bonse babipa ne banyama babipa ba muzhilo.

Lumwekesho 18:21

Kabiji malaika wakosa washikwile jibwe nobe jibwe jikatampe ja kupelapo ne kwijitaya mu kalunga, ne kwamba amba, “Byonka bino byo bikatayiwa panshi Babilona, awa muzhi mukatampe, na kinya kikatampe, kabiji kechi ukamweka jibiji ne.

Lumwekesho 18:5

Mambo bubi bwanji bwafika ne mwiulu, ne aye Lesa wavuluka bibi byanji.