Lumwekesho 16:17 - KNTP

¹⁷ Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”

Lumwekesho 16:17 Iomraidhean Croise

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 6:12

Mambo kulwa kwetu kechi kwa kulwa na ba mibiji ya mashi ne, poso na bakatampe bene, ne ba luusa, ne bamfumu ba ino mfishi ya pano panshi, ne bapashi babiipa ba mwiulu.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 14:15

Ne malaika mukwabo walupukile mu nzubo yazhila, kasa abijika na jiwi jikatampe kwiyewa waikala pa jikumbi amba, “Tuma kikwakwa kyobe unowe, mambo kimye kya kunowa kyafika, mambo bya kunowa bya pano pantanda byapya!”

Lumwekesho 14:17

Kabiji malaika mukwabo walupukile mu nzubo yazhila iji mwiulu, ne aye naye wajinga na kikwakwa kyatwa.

Lumwekesho 16:1

Kabiji naumvwine jiwi jikatampe jafuma mu nzubo yazhila, kasa jibambila aba bamalaika batanu na babiji amba, “Yainga, muketulwile aya michiba itanu na ibiji ya bukaji bwa Lesa pa ntanda!”

Lumwekesho 21:6

Kabiji wang'ambijile amba, “Byamweka kala! Amiwa ne Alefwa ne Omega, ne ntendekelo ne mpelo. Aye waumvwa kilaka amiwa nkamupapo kutoma ku nsulo ya mema a bumi atupauka a bupetu.