Lumwekesho 16:14 - KNTP

¹⁴ Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.

Lumwekesho 16:14 Iomraidhean Croise

Mateo 24:14

Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mako 13:22

Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa.

Luka 2:1

Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe.

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Loma 1:8

Patanshi, napika sante kwi Lesa wami mwi Yesu Kilishitu na mambo a anweba bonse, mambo lwitabilo lwenu lwaya nkuwa pano pantanda ponse.

2 Tesalonika 2:9

Kabiji kwiya kwanji awa mpupabizhila kukayila monka mu kwingila kwa Satana na bulume bonse, ne na biyukilo ne bya kukumya bya bubela,

1 Timoti 4:1

Pakuba aye Mupashi wa ambishatu bulongo amba, mu bimye bya kulutwe bamo bakapondoka ku lwitabilo, ne kuteesha michima ku mipashi ya bujimbijimbi ne ku mafunjisho a bademona.

Yakoba 3:15

Ano kechi o maana afuma mwiulu ne, pakuba oa pano panshi a buntunshi, a bademona.

1 Yoano 5:19

Twayuka namba twibakwa Lesa, nangwa ntanda yonse iji mu bulume bwa kwa aye mubi.

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:3

Mutwe wanji umo wamwekele nobe bamukozhezhe ne kufwa, bino mutootole wanji wa lufu wapwile. Ne ba pantanda bonse bamukuminye bingi ne kumulondela ao lukinyama.

Lumwekesho 16:16

Ponkapo bebapwizhizhe pamo konka ko batela mu Kihebelu amba, Amagedonyi.

Lumwekesho 16:7

Naumvwine kyakusokelapo byakufutumuna kasa kyamba amba, “Kine, Nkambo Lesa, wa bulume bonse! Bunchiba mambo bwenu bo bwakine kabiji bwaoloka!”

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 20:8

kabiji ukalupuka mu kwiijimbaika mikoka ya bantu ba ku makonka ana a pantanda, ko kuuba amba, Gogi ne Magogi. Mu kwibapwizha pamo ku nkondo, nambala yabo iji pamo nobe musenga wa ku kalunga.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 6:17

Mambo juba jikatampe ja bukaji bwabo jafika, kabiji ng'anyi wakonsha kwimana?”