Lumwekesho 16:1 - KNTP

¹ Kabiji naumvwine jiwi jikatampe jafuma mu nzubo yazhila, kasa jibambila aba bamalaika batanu na babiji amba, “Yainga, muketulwile aya michiba itanu na ibiji ya bukaji bwa Lesa pa ntanda!”

Lumwekesho 16:1 Iomraidhean Croise

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 14:15

Ne malaika mukwabo walupukile mu nzubo yazhila, kasa abijika na jiwi jikatampe kwiyewa waikala pa jikumbi amba, “Tuma kikwakwa kyobe unowe, mambo kimye kya kunowa kyafika, mambo bya kunowa bya pano pantanda byapya!”

Lumwekesho 14:18

Ne malaika mukwabo walupukile mu kyakusokelapo byakufutumuna, ye uji na luusa lwa pa mujilo. Ne aye wabijikile na jiwi jikatampe kwiyewa wajinga na kikwakwa kyatwa amba, “Tuma kikwakwa kyobe kyatwa, uchibe bizanze bya mung'anzang'anza wa pano pantanda, mambo mang'anzang'anza anji apiisha kala!”

Lumwekesho 15:1

Kabiji namwene kiyukilo kikwabo mwiulu, kikatampe ne kya kukumya. Bamalaika batanu na babiji kasa baji na myalo itanu na ibiji ikapelaako, mambo mu yoya myalo mo mwapwila bukaji bwa Lesa.

Lumwekesho 16:17

Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”