Lumwekesho 15:6 - KNTP

⁶ Ponkapo mu nzubo yazhila mwalupukile bamalaika batanu na babiji bajinga na myalo itanu na ibiji, kasa bavwala kisapi kya linenyi, kyawama kyabula biko, kasa banyinga ne mikwato ya ngolode pa byaji byabo.

Lumwekesho 15:6 Iomraidhean Croise

Luka 24:4

Byo baimene na kukumya na mambo a kino, talai banabalume babiji baimene ko baji mu bivwalo bibekauka.

Lumwekesho 1:13

kabiji mukachi ka bitulwapo malampi namwene umo wapashang'ana nobe mwana muntu, kasa avwala kivwalo kyafika ku maulu, kabiji kasa anyinga mukwato wa ngolode mu kyaji kyanji.

Lumwekesho 14:15

Ne malaika mukwabo walupukile mu nzubo yazhila, kasa abijika na jiwi jikatampe kwiyewa waikala pa jikumbi amba, “Tuma kikwakwa kyobe unowe, mambo kimye kya kunowa kyafika, mambo bya kunowa bya pano pantanda byapya!”

Lumwekesho 14:17

Kabiji malaika mukwabo walupukile mu nzubo yazhila iji mwiulu, ne aye naye wajinga na kikwakwa kyatwa.

Lumwekesho 15:1

Kabiji namwene kiyukilo kikwabo mwiulu, kikatampe ne kya kukumya. Bamalaika batanu na babiji kasa baji na myalo itanu na ibiji ikapelaako, mambo mu yoya myalo mo mwapwila bukaji bwa Lesa.

Lumwekesho 19:8

Kabiji kyamupelwe amba avwale kisapi kya linenyi kyalamba, kyatokesha ne kuwama.” (Mambo kisapi kya linenyi kyalamba, byo byubilo byaoloka bya bazhijikwa.)