Lumwekesho 15:4 - KNTP

⁴ Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”

Lumwekesho 15:4 Iomraidhean Croise

Loma 15:9

kabiji amba, Bangentila batumbijike Lesa na mambo a lusa lwanji. Monka mo kyanembelwa amba, “Onkao mambo amiwa nkemutotela mu Bangentila, ne kwijimbila ya kutota jizhina jenu.”

1 Petelo 1:16

Mambo kyanembwa amba, “Mukekala bazhila mambo ne amiwa nazhila.”

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 14:7

Ne aye wa ambile na jiwi jikatampe, amba, “Akamwai Lesa ne kumupa lukumo! Mambo kimye kya kije kyanji kyafika. Mupopwelai aye walengele mwiulu ne ntanda ne kalunga ne masulo a mema atupauka!”

Lumwekesho 16:5

Kabiji naumvwine malaika wajinga na luusa lwa pa mema kasa aamba amba, “Mwi waoloka anweba, mujipo kabiji mwajingapo, yenu wazhila, bumutonyi bwenu bo bwaoloka!

Lumwekesho 16:7

Naumvwine kyakusokelapo byakufutumuna kasa kyamba amba, “Kine, Nkambo Lesa, wa bulume bonse! Bunchiba mambo bwenu bo bwakine kabiji bwaoloka!”

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”

Lumwekesho 19:8

Kabiji kyamupelwe amba avwale kisapi kya linenyi kyalamba, kyatokesha ne kuwama.” (Mambo kisapi kya linenyi kyalamba, byo byubilo byaoloka bya bazhijikwa.)

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”

Lumwekesho 6:10

Kabiji babijikile na jiwi jikatampe amba, “Anweba Nkambo, wazhila ne wa kine, myaka inga yo mukabula kwituchibila mambo ne kushinkanya naabo bekala pantanda na mambo mashi etu?”