Lumwekesho 15:3 - KNTP

³ Kabiji ke bembe lwimbo wa Mosesa kalume wa Lesa, ne lwimbo wa Mwana Mukooko amba, “Anweba Nkambo Lesa, wa bulume bonse, mingilo yenu yo ikatampe ne ya kukumya! Anweba Mfumu wa mikoka yonse, mashinda enu aoloka kabiji a kine.

Lumwekesho 15:3 Iomraidhean Croise

Yoano 1:17

Mambo Mizhilo yapainwe mwi Mosesa, bino bupe ne bukine bwaishile mwi Yesu Kilishitu.

1 Timoti 1:17

Pano kwi aye Mfumu wa myaka, ubula kufwa, ubula kumweka, yenkaye Lesa, kwikale buneme ne lukumo myaka ne myaka. Amena.

Bahebelu 3:5

Kabiji Mosesa wajinga wakishinka mu nzubo yanji nobe wamwingilo, amba ashimune bintu bikambiwa palutwe.

Lumwekesho 1:8

Amiwa ne Alefwa ne Omega, byo a amba Nkambo Lesa, ujiipo, wajingapo, ye ukeya, wa bulume bonse.

Lumwekesho 11:17

amba, “Twimusanchila, anweba Nkambo Lesa, Wa bulume bonse, ujipo, kabiji wajingapo! Mambo mwatambula bulume bwenu bukatampe ne kwikala ke mfumu!

Lumwekesho 14:3

Kabiji baimbilenga lwimbo mupya ku meso a jitanda, ne ku meso a aba bomi bana ne aba bakulumpe, kafwako muntu nangwa umo wakonsheshe kufunda awa lwimbo ne poso aba ba 144,000, bakujilwe pano pantanda.

Lumwekesho 14:8

Ne mukwabo malaika wa bubiji, walondejile ne kwamba amba, “Wapona! Babilona mukatampe! Yenkaye watomesha mikoka yonse ya bantu binyu bya bukaji bwa bulalelale bwanji!”

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 19:16

Kabiji pa kivwalo kyanji ne pa jimbwata janji panembelwe jizhina amba, “Mfumu wa ba mfumu ne Nkambo wa ba nkambo!”

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”