Lumwekesho 14:7 - KNTP

⁷ Ne aye wa ambile na jiwi jikatampe, amba, “Akamwai Lesa ne kumupa lukumo! Mambo kimye kya kije kyanji kyafika. Mupopwelai aye walengele mwiulu ne ntanda ne kalunga ne masulo a mema atupauka!”

Lumwekesho 14:7 Iomraidhean Croise

Mateo 25:13

Byonkabyo ne anweba labainga ne kukenkenta, mambo kechi mwayuka kana ng'anyi juba nangwa kimye ne.”

Luka 17:18

Mambo ka uno ungi ye yenka wabwela na kupana lukumo kwi Lesa?”

Byubilo 14:15

“Anweba bakwetu, mambo ka o mubila bino bintu? Ne atweba twi bantutu pamo ne anweba, twimuletela Mambo Awama, muvundamine ku bino bincha, mwalulukile kwi Lesa mumi, walengele jiulu ne ntanda, ne kalunga ka mema, ne byonsetu bijimo.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 11:18

Kabiji ba mitundu ya bantu yazhingijile, mambo bukaji bwenu bwafika, kimye kya kwibachibila mambo bafu kyafika. Ne kya kupana mfweto ku bakalume benu bangauzhi, ne ku bazhijikwa benu, ne bonse baakamwa jizhina jenu, bacheche ne bakatampe. Kimye kya kwibonauna aba bonauna ntanda!”

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”

Lumwekesho 16:9

Ponkapo bantu basokelwe butuchila na kyuya kikatampe, ke bejineene bya mwenga jizhina ja Lesa, yenka uji na luusa lwa pa ino myalo. Kabiji kechi balapijile amba, bamutumbijike ne.

Lumwekesho 18:10

Bakemana kwaleepa na mambo a kuchiina kumanama kwanji. Ne kwamba amba, “Mamoo! Mamoo! Awe muzhi mukatampe Babilona, muzhi wakosa! Mu awala umo kuzhatwa kobe kwafika!”

Lumwekesho 18:17

Mambo mu awala umo abwe bunonshi bwaonaika!” Ne bonse bakulumpe ba maato, ne bonse benda mu maato, ne bonse mobavujila bamwena mali abo mu mwingilo wa pa mema, baimene kwalepa,

Lumwekesho 18:19

Ponkapo bepukwile lukungu mu mitwe yabo, kasa bajila ne kuuba mabingo, amba, “Mamoo! Mamoo! Muzhi mukatampe! Mo bamwenejile bunonshi bonse baji na maato pa kalunga, na mambo a busulu bwanji bukatampe! Waonaikatu mu awala umo!”

Lumwekesho 19:5

Ponkapo jiwi jafumine ku jitanda amba, “Totai Lesa wetu, anweba bakalume banji bonse, anweba bamwakamwa, bacheche ne bakatampe!”

Lumwekesho 4:11

“Mwafwainwa anweba Nkambo yetu Lesa wetu, kutambula lukumo, ne buneme, ne bulume. Mambo anweba yenu mwalengele byonse, kabiji na mambo onka a kyaswa muchima wenu obyaikajile, obyalengejilwe.”

Lumwekesho 4:9

Kabiji aba bomi bimye byo bapana lukumo, ne buneme, ne sante, kwi aye waikala pa jitanda, kwi aye wikala myaka ne myaka,

Lumwekesho 8:10

Ne malaika wa busatu naye waimbile, ponkapo mwiulu mwaponene kabangabanga kakatampe, kasa kateema nobe nsoko, kaponejile pa lubaji lumo lwa pa lubaji lusatu lwa mikola, ne pa masulo patupauka mema.