Lumwekesho 14:6 - KNTP

⁶ Kabiji namwene malaika mukwabo kasa apita pakachi ka jiulu, kasa aji na Mambo Awama a myaka ne myaka a kusapwila ku bekala pantanda, ne ku mikoka yonse ne ku bisaka byonse ne ku njimi yonse ne ku mitundu yonse ya bantu.

Lumwekesho 14:6 Iomraidhean Croise

Mateo 10:27

Kyonemubula mu mfishi mwikyambe pa mute; kabiji kyo mumvwa mu kutwi, mwikitayile mbila pa mutenge.

Mako 16:15

Ne aye wibambijile amba, “Yainga pantanda ponse, mukasapwile Mambo Awama ku bilengwa byonse.

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

Bahebelu 13:20

Pano aye Lesa wa mutende, yenka wamusangwile mu bafu Nkambo yetu Yesu, yenkawa waubile ke kafunga mukatampe wa mikooko na mambo a mashi anji, a lulayang'ano lwa myaka,

1 Petelo 1:25

Pakuba byambo bya Nkambo byaikajikwa myaka.” Kabiji bino byambo o Mambo Awama o bemusapwijile anweba.

Lumwekesho 10:11

Kabiji bang'ambijile amba, “Kyafwainwa obewa kwaula jibiji na mambo a mitundu ne mikoka ne njimi yavula ya bantu, ne a bamfumu bavula.”

Lumwekesho 10:7

Pakuba pa kimye kya jiwi ja malaika wa butanu na bubiji, byo akasaka kwimba ntolompita, ponkapo kyafyamika kya Lesa kikapwa, monka mwayila Mambo Awama o ebabujile bakalume banji bangauzhi.”

Lumwekesho 13:7

Kabiji aye bamupele kya kulwa na bazhijikwa ne kwibashinda, kabiji bamupele ne luusa lwa pa bisaka byonse, ne mitundu yonse, ne njimi yonse, ne mikoka yonse ya bantu.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.

Lumwekesho 8:13

Kabiji namwene ne kumvwa mpungu umo kasa apita pakachi ka jiulu, kasa abijika na jiwi jikatampe amba, “Malwa! Malwa! Malwa! Aboba bekala pano pantanda, na mambo a kuvuma kwa oa matolompita a boba bamalaika basatu, bakyangye kwimba!”