Lumwekesho 14:2 - KNTP

² Kabiji naumvwine jiwi jafumine mwiulu, nobe jiwi ja mema avula, kabiji nobe jiwi ja kutatauka kwa mvula. Kabiji ne jiwi jo naumvwine jaji nobe jiwi ja bang'omba babena kwimba pa byansa byabo.

Lumwekesho 14:2 Iomraidhean Croise

1 Kolinda 13:1

Nangwa ng'amba na njimi ya bantu ne ya bamalaika, umvwe ne kwikala na butemwe ne, naaluka pamo nobe kuvuma kwa kyela kya lubemba nangwa kuvuma kwa ngengele.

Lumwekesho 1:10

Najinga mu Mupashi mu juba ja Nkambo, kabiji naumvwine kunyuma yami jiwi jikatampe, nobe ja ntolompita.

Lumwekesho 1:15

ne maulu anji aubile nobe mukuba ye bawamisha wasungululwa mu nsaka ya mujilo, ne jiwi janji jaubile nobe jiwi ja mema avula.

Lumwekesho 11:12

Ponkapo ba umvwine jiwi jafumine mwiulu ne kwibambila amba, “Kanjilai kuno!” Ponkapo bayile mwiulu mu jikumbi, balwanyi babo kasa bebatala.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 15:2

Ponkapo namwene nobe kalunga ka kilola byavwangakana na mujilo. Kabiji namwene ne aba bashinjile awa lukinyama, ne kipashang'ano kyanji, ne nambala ya jizhina janji, kasa baimana ku kalunga ka kilola, kasa baji na byansa bya Lesa.

Lumwekesho 18:22

Kabiji ne mawi a ba byansa ne a bang'omba ne a bemba binkungubele ne a bemba matolompita kechi akomvwanyika jibiji nangwa pacheche mwi obewa ne! Kabiji ne basendwe nangwa ba byepi kechi bakamweka jibiji mwi obewa nangwa umotu ne, kabiji ne jiwi ja jibwe ja kupelapo bunga najo, kechi jikomvwanyika jibiji nangwa pacheche mwi obewa ne!

Lumwekesho 5:8

Kabiji byo atambwile awa buku, ponkapo aba bomi bana ne aba bakulumpe makumi abiji ne bana, baponene mu kyenyi kya aye mwana mukooko, bonse kasa baji na byansa pa muntu pa muntu, ne michiba ya ngolode yayula byakufutumuna, yo milombelo ya bazhijikwa.

Lumwekesho 6:1

Kabiji namwene aye Mwana Mukooko byo ashinkwile katetesho kamo ka atwa tuteetesho tutanu na tubiji, kabiji naumvwine umo wa mu boba bomi bana kasa amba na jiwi nobe ja kilulumo amba, “Iya!”

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.