Lumwekesho 14:15 - KNTP

¹⁵ Ne malaika mukwabo walupukile mu nzubo yazhila, kasa abijika na jiwi jikatampe kwiyewa waikala pa jikumbi amba, “Tuma kikwakwa kyobe unowe, mambo kimye kya kunowa kyafika, mambo bya kunowa bya pano pantanda byapya!”

Lumwekesho 14:15 Iomraidhean Croise

Mateo 13:30

Aki bilekai byonse bikomene pamo poso pa kimye kya kunowa. Po po nkambila ba kunowa namba, patanshi mwibibungizhe pamo bincha, mwibikase bikuta mwibisoke, pakuba kajo mwikalonge mu butala bwami.”

Mateo 13:39

ne awa mulwanyi wibikushile ye Diabola, kabiji mwaka wa kunowa jo juba jikapelaako, ne ba kunowa bo bamalaika.

Mateo 23:32

Nanchi yuzhai kyokya kipimo kya bashakulu benu.

Mako 4:29

Bino pakupya kajo ponkapo ke kunowa, mambo kimye kyafika.”

Tesalonika 2:16

Ne kwitukanya atweba kwibambila Bangentila amba bapuluke. Mu kuyuzha kipimo kya mambo abo moba onse. Kabiji kuno kumpelo bukaji bwa malwa bwibafikila.

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 13:12

Ne aye uba bintu na luusa lonse lwa awa lukinyama mutanshi konka ku meso anji. Kabiji aye ulengela ntanda ne bekalamo ke bamupopwele awa lukinyama mutanshi, yenkawa wajinga na mutotole wapwile.

Lumwekesho 14:14

Kabiji namwene jikumbi jitoka, ne pa jikumbi namwene umo kasa aikala nobe mwana muntu, ne pa mutwe wanji pajinga munchinya wa ngolode, ne kikwakwa kyatwa mu kuboko kwanji.

Lumwekesho 14:16

Ne aye waikajile pa jikumbi watayile kikwakwa kyanji pano pantanda, ne pano pantanda panowenwe.

Lumwekesho 14:17

Kabiji malaika mukwabo walupukile mu nzubo yazhila iji mwiulu, ne aye naye wajinga na kikwakwa kyatwa.

Lumwekesho 14:18

Ne malaika mukwabo walupukile mu kyakusokelapo byakufutumuna, ye uji na luusa lwa pa mujilo. Ne aye wabijikile na jiwi jikatampe kwiyewa wajinga na kikwakwa kyatwa amba, “Tuma kikwakwa kyobe kyatwa, uchibe bizanze bya mung'anzang'anza wa pano pantanda, mambo mang'anzang'anza anji apiisha kala!”

Lumwekesho 15:6

Ponkapo mu nzubo yazhila mwalupukile bamalaika batanu na babiji bajinga na myalo itanu na ibiji, kasa bavwala kisapi kya linenyi, kyawama kyabula biko, kasa banyinga ne mikwato ya ngolode pa byaji byabo.

Lumwekesho 16:17

Kabiji aye malaika wa butanu na bubiji waitulwijile muchiba wanji pa mwela. Ponkapo mu nzubo yazhila mwalupukile jiwi jikatampe, jafumine ku jitanda, amba “Kyaubiwa!”

Lumwekesho 6:10

Kabiji babijikile na jiwi jikatampe amba, “Anweba Nkambo, wazhila ne wa kine, myaka inga yo mukabula kwituchibila mambo ne kushinkanya naabo bekala pantanda na mambo mashi etu?”