Lumwekesho 14:10 - KNTP

¹⁰ aye naye ukatoma ku binyu bya bukaji bwa Lesa, byo baitulwila jimo byo babula kuvwangakanya na bikwabo mu katomeno ka bukaji bwanji! Ne aye ukamanyikwa na mujilo ne kibiliki ku meso a bamalaika bazhila, ne ku meso a Mwana Mukooko.

Lumwekesho 14:10 Iomraidhean Croise

Mateo 20:22

Pakuba Yesu wamwambijile amba, “Kechi mwayuka kyo musaka ne. Mwakonsha kutoma katomeno kontoma amiwa nyi?” Ne abo bamwambijile amba, “Twakonsha.”

Mateo 25:41

Ponkapo ukebambila abo ba ku kipiko kyanji amba, ‘Fumaiko kwi amiwa, anweba mwafingwa, yainga mu mujilo wa myaka ye banengezhezha Diabola ne bamalaika banji!

Mateo 26:39

Kabiji waendeleko pacheche, wakuvumene panshi na kulomba amba, “Taata, umvwe kyakonsheka kubiwa, kano katomeno kampitaile! Byonkabyo kechi kyasaka muchima wami ne, poso kyasaka muchima wenu.”

Mako 8:38

Mambo aye ukangubila bumvu amiwa ne mambo ami mu kino kisemi kya bukende ne kya bundengamambo, ne Mwana Muntu naye ukamubila bumvu byo akeya mu lukumo lwa Shanji na bamalaika bazhila.”

Mako 9:44

Amo mizambo ibaja kechi ifwa ne kabiji mujilo kechi uzhima ne.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

2 Tesalonika 1:7

ne kwimupa anweba mumona bya malwa kya kukokoloka pamo ne atweba, pa lumwekesho lwa Nkambo Yesu byo akafuma mwiulu na bamalaika ba bulume bwanji

Yuda 1:7

Pamo nobe Sodoma ne Gomola ne mizhi yajinga kubwipi, byo bepanyishetu bene ku bulalelale, pamotu ne bano, ne kulondela bisela bingi. Bebamwesha ke kya kumwenako byo bamona lukabisho lwa mujilo wa myaka.

Lumwekesho 15:7

Ne umo wa boba bomi bana wibapele aba bamalaika batanu na babiji michiba ya ngolode itanu na ibiji yayula na bukaji bwa Lesa, yenka waikala myaka ne myaka.

Lumwekesho 16:19

Ponkapo ne awa muzhi mukatampe waabenepo jisatu, ne mizhi ya mikoka ya bantu yakundukile. Ne Babilona mukatampe naye bamuvulukile ku meso a Lesa, amba tumupe katomeno ka binyu bya bukaji bwa Lesa bwakatazha.

Lumwekesho 18:3

Mambo mikoka yonse ya bantu yatoma binyu bya lusako lwa bulalelale bwanji. Ne bamfumu ba pano pantanda baubile nanji bulalelale, ne basulu ba pano pantanda mo bamwenejile bunonshi monka mu lunkumbwa lwanji lukatampe.”

Lumwekesho 18:6

Mubilai monka moebobijile bakwabo, mubwezhezhai pabiji monka mwayila mingilo yanji. Mu katomeno moavwangijile, muvwangilaimo pabiji, byonka byoebobile bakwabo.

Lumwekesho 19:15

Kabiji monka mu kanwa kanji mwalupukile mpoko yatwa, amba epayeko mikoka ya bantu. Kabiji ukebalama na kamama ka kapotwe, kabiji ye ukanyantaula mu kya kufiinamo binyu bya bukaji bwakatazha bwa Lesa wa bulume bonse.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 20:14

Ne lufu ne kalunga ka bafu byaelelwe mu kizhiba kya mujilo. (Luno lo lufu lwa bubiji, kyo kizhiba kya mujilo.)

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”