Lumwekesho 13:6 - KNTP

⁶ Ne aye waasamine na kumunena Lesa bya mwenga kasa aneena bya mwenga jizhina janji, ne nzubo yanji yazhila, ne bekala mwiulu.

Lumwekesho 13:6 Iomraidhean Croise

Mateo 12:34

Anweba kisaka kya milolo, mukonsha byepi kwamba byawama byo muji babi! Pakuba monka mo byayujila mu muchima ne kanwa kambila monka.

Mateo 15:19

Mambo mukachi mu michima ya bantu mo mulupuka milanguluko yatama, ne kwipayang'ana, ne bukende, ne bulalelale, ne bwivi, ne bubela, ne bya mwenga.

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Loma 3:13

Mijibu yabo byo bilende bya kyashi, ku njimi yabo bajimbang'enako, bulembe bwa mulolo kishipila buji munshi ya byatunwa byabo;

Kolose 1:19

Mambo kyamutokejile Shanji ku muchima amba kuyula konse kwa Lesa kwaikala monka mwi Kilishitu.

Kolose 2:9

Mambo mwi aye Kilishitu, mo mwaikala kuyula konse kwa Lesa monka mu mubiji wanji,

Bahebelu 9:2

Mambo kwajinga Tente wabikijilwemo jimo byonse, mukibamba kitanshi kya ku kibelo mo mwajinga kitulwapo lampi ne tebulu ne shinkwa wa ku meso a Lesa. Mo mwatelelwe amba Mwazhila.

Bahebelu 9:24

Mambo Kilishitu kechi watwelele Mwazhila mwalengwa na maboko ne, mwapashang'ana na mwa kine ne. Kana mwiulu mwine, mo etumwekela ku meso a Lesa.

Lumwekesho 11:12

Ponkapo ba umvwine jiwi jafumine mwiulu ne kwibambila amba, “Kanjilai kuno!” Ponkapo bayile mwiulu mu jikumbi, balwanyi babo kasa bebatala.

Lumwekesho 12:12

Byonkabyo sekelai, anweba meulu, ne anweba mwikalamo! Malwa enu anweba ntanda ne kalunga! Mambo Diabola waikila ko muji, kasa aji na bukaji bukatampe, byo ayuka amba kimye kyanji kyashaala ke kicheche.”

Lumwekesho 15:5

Pakupita bibye namwene nzubo yazhila ya tente wa lushimuno yashinkwilwe mwiulu.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 21:3

Ponkapo naumvwine jiwi jikatampe jafumine ku jitanda amba, “Tala, kya kwikalamo Lesa kiji mu bantu! Aye ukekala naabo, ne abo naabo bakekala ke bantu banji. Ne Lesa mwine ukekala naabo, ne kwikala ke Lesa wabo.

Lumwekesho 4:1

Pakupita bibye, namwene kibelo kyashinkuka mwiulu, kabiji ne jiwi jitanshi jo naumvwine, jaubile nobe ja ntolompita, kasa jing'ambila amba, “Kanjila kuno, nkubuule bintu bikamweka kulutwe.”

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 5:13

Ne bilengwa byonse biji mwiulu, ne pano pantanda, ne munshi ya ntanda, ne pa kalunga ka mema, ne byonse byumi, nebyumvwine kasa byamba amba, “Kwi aye waikala pa jitanda, ne kwi aye Mwana Mukooko, kwikale lutakaiko, ne buneme, ne lukumo, ne bulobo, myaka ne myaka!”

Lumwekesho 7:15

Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.