Lumwekesho 13:15 - KNTP

¹⁵ Kabiji bamuswishishe awa lukinyama kwikipa muuya, akya kipashang'ano kya lukinyama, amba, kipashang'ano kya lukinyama kyambenga, kabiji amba, bonse mobavujila babula kupopwela akya kipashang'ano kya lukinyama bepaiwe.

Lumwekesho 13:15 Iomraidhean Croise

Yakoba 2:26

Mambo byonka byo afwa mubiji kwakubula mupashi, ne lwitabilo nalo pamo, kwakubula mingilo lwafwa.

Lumwekesho 13:1

Ponkapo namwene lukinyama kasa atuntuka mu kalunga. Wajinga na nsengo jikumi ne mitwe itanu na ibiji, kabiji ne pa nsengo yanji pajinga minchinya jikumi, ne pa mitwe yanji pajinga jizhina ja mwenga.

Lumwekesho 13:12

Ne aye uba bintu na luusa lonse lwa awa lukinyama mutanshi konka ku meso anji. Kabiji aye ulengela ntanda ne bekalamo ke bamupopwele awa lukinyama mutanshi, yenkawa wajinga na mutotole wapwile.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 14:11

Ne bwishi bwa kumanama kwabo bufutumuka myaka ne myaka, kabiji kechi bakokoloka mute nangwa bufuku ne, aba bapopwela lukinyama ne kipashang'ano kyanji, ne aba batambula kayukilo ka jizhina janji.

Lumwekesho 14:9

Ne malaika mukwabo wa busatu, wibalondejile ne kwamba na jiwi jikatampe amba, “Umvwe muntu upopwela awa lukinyama ne kipashang'ano kyanji, ne kutambula kayukilo pa kilungi kyanji nangwa pa kuboko,

Lumwekesho 16:2

Ponkapo mutanshi wayile, nakwitulwila muchiba wanji pa ntanda. Ponkapo bilonda byakatazha ne bya misongo bibafikijile bantu baji na kayukilo kayewa lukinyama, ne bapopwela kipashang'ano kyanji.

Lumwekesho 16:5

Kabiji naumvwine malaika wajinga na luusa lwa pa mema kasa aamba amba, “Mwi waoloka anweba, mujipo kabiji mwajingapo, yenu wazhila, bumutonyi bwenu bo bwaoloka!

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 17:17

Mambo Lesa ye wabiika mu michima yabo kuuba kyaswa muchima wanji, ne kwikala na muchima umo, ne kupana bufumu bwabo kwi aye lukinyama, poso byambo bya Lesa bikafikizhiwe.

Lumwekesho 17:6

Kabiji namwene awa mwanamukazhi kasa apendwa na mashi a bazhijikwa, ne mashi a batumonyi ba Yesu. Kabiji pa kumumona nakuminye na kukumya kukatampe.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 18:24

Kabiji mwi aye mwatainwe mashi a bangauzhi, ne a bazhijikwa, ne a bonse baipayilwe pantanda.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.