Lumwekesho 13:10 - KNTP

¹⁰ Inge umo ye wa kuya mu buzha, mu buzha i mo moakaya, umvwe muntu ye wa kwipayiwa na mpoko, ku mpoko koko akepayiwa. Onkao mambo bazhijikwa bafwainwa kukosa mu lwitabilo ne kutekanya mu bya mwalwa.

Lumwekesho 13:10 Iomraidhean Croise

Mateo 26:52

Ponkapo Yesu wamwambijile amba, “Somekai mpoko yenu, mambo bonse basenda mapoko bakafwa ku mpoko.

Mateo 7:2

Mambo monka mo muzhachisha bakwenu, ne anweba bakemuzhachisha monka, ne kyo mupiminamo bakwenu, ne anweba mukapiminwa monka.

Luka 21:19

Mukapulusha myeo yenu monka mu kutekanya kwenu.”

Kolose 1:11

Bemukoseshe na bulume bonse monka mwayila ngovu ya lukumo lwanji. Ne na butekanye bonse, ne kukooka muchima ne lusekelo pamo.

Bahebelu 6:12

Kechi mube mukose ne, poso kulondela bonkaba baswana milaye monka mu lwitabilo ne mu butekanye.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 11:18

Kabiji ba mitundu ya bantu yazhingijile, mambo bukaji bwenu bwafika, kimye kya kwibachibila mambo bafu kyafika. Ne kya kupana mfweto ku bakalume benu bangauzhi, ne ku bazhijikwa benu, ne bonse baakamwa jizhina jenu, bacheche ne bakatampe. Kimye kya kwibonauna aba bonauna ntanda!”

Lumwekesho 14:12

Byonkabyo bazhijikwa bafwainwa kwikala bakosa, abo balama mikambizho ya Lesa, ne lwitabilo lwa Yesu.”

Lumwekesho 16:6

Mambo abo baichijile mashi a bazhijikwa benu ne bangauzhi benu, ne anweba pano mwibapa mashi amba batome. Kyo kibafwainwa!”

Lumwekesho 17:11

Ne aye lukinyama wajingapo kabiji pano kafwapo, aye ye mwine wa butanu na busatu, kabiji ye wa mu boba batanu na babiji kabiji ubena kuya mulonaiko.”

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 2:19

nayuka mingilo yobe, ne butemwe bobe, ne lwitabilo lobe, ne mwingilo wobe wa bukwasho, ne butekanye bobe, ne mingilo yobe yapelaako byo yavula kukila itanshi.

Lumwekesho 2:2

nayuka mingilo yobe, ne mwingilo wobe wakosa ne butekanye bobe, ne byo wabula kwibaswa babi, kabiji byo wibesekele abo beteela amba, twi batumwa, bino kechi bo batumwa ne, kabiji wibamwene amba ba bubela.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 3:3

Vuluka byo wafunjishiwe ne byo waumwvine, wibilame, ne kulapila. Umvwe wabula kulaba ne kukenkenta, nkeya nobe ngivi, kabiji kechi ukayuka kimye kyo nkeshilamo kwi obewa ne.