Lumwekesho 13:1 - KNTP

¹ Ponkapo namwene lukinyama kasa atuntuka mu kalunga. Wajinga na nsengo jikumi ne mitwe itanu na ibiji, kabiji ne pa nsengo yanji pajinga minchinya jikumi, ne pa mitwe yanji pajinga jizhina ja mwenga.

Lumwekesho 13:1 Iomraidhean Croise

Lumwekesho 11:7

Kabiji byo bakapwisha kushimuna kwabo, awa lukinyama ufuma mu kalengwa kabuula kupela, ukalwa naabo, ne kwibashinda, ne kwibepaya.

Lumwekesho 12:3

Kwamwekele ne kiyukilo kikwabo mwiulu. Kwajinga nsung'unyi mukatampe uchila kasa aji na mitwe itanu na ibiji, ne nsengo jikumi, ne pa mitwe yanji pajinga tubondo tutanu na tubiji.

Lumwekesho 13:11

Kabiji namwene ne lukinyama mukwabo kasa afuma panshi. Wajinga na nsengo ibiji nobe mwana mukooko, bino wa ambilenga nobe nsung'unyi.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 13:15

Kabiji bamuswishishe awa lukinyama kwikipa muuya, akya kipashang'ano kya lukinyama, amba, kipashang'ano kya lukinyama kyambenga, kabiji amba, bonse mobavujila babula kupopwela akya kipashang'ano kya lukinyama bepaiwe.

Lumwekesho 15:2

Ponkapo namwene nobe kalunga ka kilola byavwangakana na mujilo. Kabiji namwene ne aba bashinjile awa lukinyama, ne kipashang'ano kyanji, ne nambala ya jizhina janji, kasa baimana ku kalunga ka kilola, kasa baji na byansa bya Lesa.

Lumwekesho 16:13

Ponkapo namwene mu kanwa ka nsung'unyi, ne mu kanwa ka awa lukinyama, ne mu kanwa ka awa ngauzhi wa bubela, ke mulupuke mipashi yabiipa isatu nobe ma bombwe.

Lumwekesho 17:16

Ne aya nsengo jikumi yo wajikumona na lukinyama, bo bakamushikwa pite ne kumonauna ne kumuvuula, kabiji bakaja nyama yanji, ne kumusokatu pelu mu mujilo.

Lumwekesho 17:3

Ponkapo aye malaika wantwajile mu Mupashi mungye. Kabiji namwene mwanamukazhi kasa aikala pa lukinyama wachijisha, wajinga na mazhina a mwenga, wajinga na mitwe itanu na ibiji ne nsengo jikumi.

Lumwekesho 17:5

Ne pa kilungi kyanji panembelwe jizhina ja bufyamfya, ja lumbulula amba, “Babilona mukatampe, inanja ba pite ne bya bunya pano pantanda.”

Lumwekesho 19:19

Kabiji namwene ne awa lukinyama, ne bamfumu ba pano pantanda, ne mazhita abo, kasa bapwila pamo amba, tulwe nkondo na yewa waikala pa mbili ne nzhita yanji.