Lumwekesho 12:4 - KNTP

⁴ Ne luminzo wanji wakokele lubaji lumo lwa pa lubaji lusatu lwa tubangabanga twa mwiulu, ne kwitutaya pantanda. Kabiji aye nsung'unyi waimene mu kyenyi kya mwanamukazhi, yenkawa wasakile kusema, amba pa kusema mmine mwananji.

Lumwekesho 12:4 Iomraidhean Croise

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

Lumwekesho 12:7

Ponkapo mwajinga nkondo mwiulu. Mikeela ne bamalaika banji ke balwe ne aye nsung'unyi, ne sung'unyi naye walwile naabo na bamalaika banji,

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:2

Awa lukinyama ye namwene wamwekelenga nobe kisumpa, ne maulu anji nobe maulu a mbeyala, ne kanwa kanji nobe kanwa ka bokwe. Ne aye nsung'unyi wamupele bulume bwanji, ne jitanda janji, ne luusa lukatampe.

Lumwekesho 13:4

Kabiji bamupopwejile nsung'unyi mambo wapaine luusa lwanji kwi aye lukinyama. Bapopwejile ne aye lukinyama ne kwamba amba, “Ng'anyi waesakana nanji uno lukinyama? Kabiji ng'anyi wakonsha kulwa nanji?”

Lumwekesho 16:13

Ponkapo namwene mu kanwa ka nsung'unyi, ne mu kanwa ka awa lukinyama, ne mu kanwa ka awa ngauzhi wa bubela, ke mulupuke mipashi yabiipa isatu nobe ma bombwe.

Lumwekesho 17:18

Kabiji awa mwanamukazhi ye wajikumona ye awa muzhi mukatampe, wikala mu bufumu pa bamfumu ba pano pantanda.”

Lumwekesho 20:2

Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.

Lumwekesho 8:10

Ne malaika wa busatu naye waimbile, ponkapo mwiulu mwaponene kabangabanga kakatampe, kasa kateema nobe nsoko, kaponejile pa lubaji lumo lwa pa lubaji lusatu lwa mikola, ne pa masulo patupauka mema.

Lumwekesho 8:11

(Ne jizhina ja kabangabanga jo ja “Kulula.”) Ne lubaji lumo lwa pa lubaji lusatu lwa mema a alukile ke alula, ne bantu bavula bafwile na oa mema, mambo aalukile ke alula.

Lumwekesho 8:12

Ne aye malaika wa buna naye waimbile. Ne lubaji lumo lwa pa lubaji lusatu lwa juba lwapuminwe, ne lwa ng'ondo, ne lwa tubangabanga; amba lubaji lumo lwa pa lubaji lusatu lwabyo byaluke ke bifiita, ne juba kechi jube mute lubaji lumo lwa pa lubaji lusatu lwajo ne, ne bufuku nabo byonkabyo.

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.

Lumwekesho 8:8

Kabiji malaika wa bubiji naye waimbile, ponkapo kyaubile nobe mutumba mukatampe uteema na mujilo waelelwe mu kalunga. Ne lubaji lumo lwa pa lubaji lusatu lwa kalunga lwaalukile ke mashi,

Lumwekesho 8:9

ponkapo lubaji lumo lwa pa lubaji lusatu lwa bilengwa byajinga na bumi mu kalunga byafwile, kabiji lubaji lumo lwa pa lubaji lusatu lwa maato nao aonaikile.

Lumwekesho 9:10

Kabiji iji na mikila yauba nobe tuminye, ne muna, ne mu mikila yayo mo muji bulume bwa kukozha bantu bang'ondo batanu.

Lumwekesho 9:19

Mambo bulume bwa aba bambili bwajinga mutunwa twabo, ne mu mikila yabo. Mikila yabo yajinga nobe milolo iji na mitwe yo bakozhako bantu.