Lumwekesho 12:3 - KNTP

³ Kwamwekele ne kiyukilo kikwabo mwiulu. Kwajinga nsung'unyi mukatampe uchila kasa aji na mitwe itanu na ibiji, ne nsengo jikumi, ne pa mitwe yanji pajinga tubondo tutanu na tubiji.

Lumwekesho 12:3 Iomraidhean Croise

Lumwekesho 12:1

Kabiji kiyukilo kikatampe kyamwekele mwiulu. Kya mwanamukazhi wavwala juba, ne ng'ondo munshi ya maulu anji, wajinga na munchinya wa tubangabanga jikumi na tubiji pa mutwe wanji.

Lumwekesho 12:13

Kabiji aye nsung'unyi byo amwene amba, watayiwa pano pantanda, wapachilenga awa mwanamukazhi wasemene awa mwana wamulume.

Lumwekesho 12:17

Ponkapo aye nsung'unyi wamuzhingijile bingi mwanamukazhi kaye ne kuya na kulwa naabo bashajilepo ba munkunwa yanji, bonka balama mikambizho ya Lesa, ne kukwachisha bukamonyi bwa Yesu.

Lumwekesho 12:4

Ne luminzo wanji wakokele lubaji lumo lwa pa lubaji lusatu lwa tubangabanga twa mwiulu, ne kwitutaya pantanda. Kabiji aye nsung'unyi waimene mu kyenyi kya mwanamukazhi, yenkawa wasakile kusema, amba pa kusema mmine mwananji.

Lumwekesho 12:7

Ponkapo mwajinga nkondo mwiulu. Mikeela ne bamalaika banji ke balwe ne aye nsung'unyi, ne sung'unyi naye walwile naabo na bamalaika banji,

Lumwekesho 12:9

Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.

Lumwekesho 13:1

Ponkapo namwene lukinyama kasa atuntuka mu kalunga. Wajinga na nsengo jikumi ne mitwe itanu na ibiji, kabiji ne pa nsengo yanji pajinga minchinya jikumi, ne pa mitwe yanji pajinga jizhina ja mwenga.

Lumwekesho 13:2

Awa lukinyama ye namwene wamwekelenga nobe kisumpa, ne maulu anji nobe maulu a mbeyala, ne kanwa kanji nobe kanwa ka bokwe. Ne aye nsung'unyi wamupele bulume bwanji, ne jitanda janji, ne luusa lukatampe.

Lumwekesho 13:4

Kabiji bamupopwejile nsung'unyi mambo wapaine luusa lwanji kwi aye lukinyama. Bapopwejile ne aye lukinyama ne kwamba amba, “Ng'anyi waesakana nanji uno lukinyama? Kabiji ng'anyi wakonsha kulwa nanji?”

Lumwekesho 15:1

Kabiji namwene kiyukilo kikwabo mwiulu, kikatampe ne kya kukumya. Bamalaika batanu na babiji kasa baji na myalo itanu na ibiji ikapelaako, mambo mu yoya myalo mo mwapwila bukaji bwa Lesa.

Lumwekesho 16:13

Ponkapo namwene mu kanwa ka nsung'unyi, ne mu kanwa ka awa lukinyama, ne mu kanwa ka awa ngauzhi wa bubela, ke mulupuke mipashi yabiipa isatu nobe ma bombwe.

Lumwekesho 17:12

“Ne yoya nsengo jikumi yo wajikumona bo bamfumu jikumi, bakyangye kutambula bufumu, pakuba abo bakatambula luusa lwa bufumu pamo ne aye lukinyama mu awala umo.

Lumwekesho 17:16

Ne aya nsengo jikumi yo wajikumona na lukinyama, bo bakamushikwa pite ne kumonauna ne kumuvuula, kabiji bakaja nyama yanji, ne kumusokatu pelu mu mujilo.

Lumwekesho 17:7

Ne aye malaika wang'ambijile amba, “Wakumya ka? Amiwa nsakukubula kyafyamika kya aye mwanamukazhi, ne kya lukinyama wamusenda aye uji na mitwe itanu na ibiji ne nsengo jikumi.

Lumwekesho 19:12

Kabiji meso anji auba nobe lubebe lwa mujilo, ne pa mutwe wanji pajinga tubondo twavula. Kabiji wajinga na jizhina janembwa jo abula kuyuka muntu nangwa umo ne, poso aye mwine yenka.

Lumwekesho 20:2

Ponkapo wakwachile nsung'unyi, awa mulolo wa kala, ye Diabola ne Satana, ne kumukasa wamukashile myaka 1,000.